Mateo 26:53 - O Debleskro Lab 2024 (Sinte-Manouche)

⁵³ Me nay mangoms miro dadestar an o bolepen, te bičrell lo mange boudeder har efta-deesh-te-douy zerya (72.000) bolepangren, te venn le ap miri rig.

O Debleskro Drom 2021 (Sinte)

⁵³ Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

Mateo 26:53 Iomraidhean Croise

2. Rajengro liil 6:17

Oun o Elisa rakras o Debleha oun penas: “Baro Devel, kre leskre yaka pre, te dikell lo!” Koy kras o baro Devel ko boudepaskreske i yaka pre. Oun yob dikas, kay hi koy berga pherde yagengre graya oun yagengre vourdya troul o Elisa.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 4:11

Koy djas peske o beng. Oun bolepangre van pash o Yezouseste, oun his leske koy.

Markus 5:15

oun dikan koles kote beshdo, kolestar kol boud benga vin van. Yob his an-rido oun bouder gar divyo. Har yon kova dikan, vas i traash ap lende.

Markus 5:9

Oun o Yezous poučas lestar: “Har khareh tou?” Koy penas lo: “Mer ham boud. Doleske kharau Legioni.”

Louka 8:30

Oun o Yezous poučas lestar: “Har khareh tou?” Penas lo: “Legioni.” Ko lab sikrella, te his boud benga an leste.

Johanni 10:18

Kek lell miro djipen mandar. Dran mande vell kova, kay dau miro djipen. Kova hi an miro vast, te dap miro djipen. Oun kova hi an miro vast, te lap les pale. Yaake krau, hoy miro dad mange penas.”

Johanni 18:36

Koy penas o Yezous: “Miro them oun i menshe, kolengro ray me hom hi gar kay phoubyatar. Te vals miro them kay phoubyatar, oun ninna i menshe, kolengro ray me hom, palle kourans pen mire boudepangre i biboldentsa, te perap me gar an kolengre vasta. Me penau touke: Miro them oun mire menshe, kolengro ray me hom, hi gar kay phoubyatar.”

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.