Mateo 26:45 - O Debleskro Lab 2024 (Sinte-Manouche)

⁴⁵ Palle djas lo pash peskre malende pale, oun penas: “Kamenn t'mer doureder sovell oun kate čiddo ačell? O tsiro hi kay, kay denn le o Menshengro Čaves an i vasta kol čilače menshendar.

O Debleskro Drom 2021 (Sinte)

⁴⁵ Palle djas lo pash peskre malende pale, un penas: “Kamenn tumer dureder sowell un kate tchiddo atchell? O tsiro hi kai, kai denn le o Menshengro Tchawes an i wasta kol tchilatche menshendar.

Mateo 26:45 Iomraidhean Croise

1. Rajengro liil 18:27

Har mashkral-dives vas, sanas o Eliya pral lende oun penas: “Denn boudeder gole! Yob hi i devel. Nay vell, te dell lo souni, djas ap i rig, djas pral o them. Nay vell, te sovell lo, oun stell pre, te denn t'mer boudeder gole.”

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Mateo 26:18

Koy penas yob lenge, pash havo morsheste an o foro Yerusalem yon hounte djan. “Koleske penenn”, penas yob, “maro sikepaskro penell touke: Miro tsiro hi kanna kay. Pash toute kamau te rhal o rhapen mire malentsa.”

Mateo 26:2

“T'mer djinenna, an douy divessa venn kol bare divessa, kay Passa kharenna. Oun o Menshengro Čaves vell an i vasta kolendar dino, kay les ap o troushel denna, te merell lo.”

Mateo 26:44

Oun yob moukas len, oun djas pale kote, te mangell lo o Debles, oun penas pale kolla laba o Debleske.

Mateo 26:46

Stenn pre! Djas menge kanna! Kanna vell kova, kay phoukrell ap mande.”

Markus 14:35

Oun yob djas i kotar drom doureder, vitsras pes ap i phoub oun mangas o Debles, te vell ko pharo tsiro gar ap leste.

Louka 22:53

Hako dives homs pash t'mende an o Debleskro baro kheer, oun t'mer tapran man gar. Kanna hi t'maro tsiro. Kanna hi o benges penepaske.”

Johanni 12:23

O Yezous penas ap lende: “Ko tsiro hi kanna kay, kay o Devel sikrell o Menshengro Čaveskro raylepen.

Johanni 12:27

Man hi daar an miro dji. Hoy nay penap me? Tata, le mandar kova krik, hoy ap mande vella? Na-a, me vom ap kay phoub, te lap kova ap mande, hoy kanna vella.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!