Mateo 26:41 - O Debleskro Lab 2024 (Sinte-Manouche)

⁴¹ Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor te ačenn pash mande, ninna te kamell kova t'maro dji.”

O Debleskro Drom 2021 (Sinte)

⁴¹ Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor te atchenn pash mande, ninna te kamell kowa tumaro dji.”

Mateo 26:41 Iomraidhean Croise

Debleskri gili 119:1

Har barhtelo hi kolla, kay yaake djivenna, te hounte čingrell o Devel gar lentsa, kolla, kay ap o baro Debleskro drom djana.

Debleskri gili 119:115

Djan pale mandar, t'mer, hoy krenn o čilačepen! Me rikrau ap i laba miro Deblestar.

Debleskri gili 119:117

Hade man pre, te nay taprell man kek, oun me kamau hako tsiro te krell, hoy mandar kameh.

Debleskri gili 119:32

Miro dji hi dour pre, te krap lauter yaake har tou mandar kameh.

Mateo 24:42

Rikrenn t'mare yaka pre! T'mer djinenn gar ko dives, kay t'maro ray pale vella.

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Mateo 26:38

Koy penas lo ap lende: “Miro dji rovella, oun mange hi yaake har te merap. Ačenn kate oun sovenn gar dren!”

Mateo 6:13

Ma mouk men tiro dromestar tele te djal! Le men dran o bengeskro vast vin!

Markus 14:38

Ma sovenn dren! Mangenn o Deblestar, te perenn gar miro dromestar tele! T'men kokres hi kek zoor, te ačenn pash mande, ninna te kamell kova t'maro dji.”

Louka 11:4

Oun biste maro čilačepen, hoy mer kram! Oun ninna mer bistrah o čilačepen, hoy i vavar ap mende kran. Ma mouk men tiro dromestar tele te djal!”

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Louka 22:40

Oun har yon pash i djeteskri berga van, penas lo ap lende: “Mangenn o Deblestar, te nay anell t'men či o Debleskro dromestar tele!”

Louka 22:46

penas lo ap lende: “Hoske sovenn t'mer? Stenn pre oun mangenn o Deblestar, te nay anell t'men či o Debleskro dromestar tele!”

Louka 8:13

Ko kotar phoub, hoy hi pherde barra, hi har o dji kol menshendar, kay shounenn o Debleskro lab, oun lenn les barhteles pre. O lab vell gar zorelo an lengre djia. I tikno tsiro patsenn le. Oun te vell pharo tsiro ap lende, vitsrenn le pengro patsepen ap i rig.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

1. Korintarja 9:27

Oun me dau yak ap mande, te vap o ray pral miro mass. Me kamau gar te penap i menshenge, hoy yon hounte krenna, oun me kokres krau les gar.

Galatarja 5:24

Kolla, kay djivenn o Yezous Kristeha, kolla anan ko tsele čilačo koova, hoy yon kran, pash o Yezouseste. Oun kanna penenn le na-a ap o djoungelo koova, hoy kamell an lengro dji te vell.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.