Mateo 26:18 - O Debleskro Lab 2024 (Sinte-Manouche)

¹⁸ Koy penas yob lenge, pash havo morsheste an o foro Yerusalem yon hounte djan. “Koleske penenn”, penas yob, “maro sikepaskro penell touke: Miro tsiro hi kanna kay. Pash toute kamau te rhal o rhapen mire malentsa.”

O Debleskro Drom 2021 (Sinte)

¹⁸ Koi penas job lenge, pash hawo mursheste an o foro Jerusalem jon hunte djan. “Koleske penenn”, penas job, “maro sikepaskro penell tuke: Miro tsiro hi kanna kai. Pash tute kamau te chal o chapen mire malentsa.”

Mateo 26:18 Iomraidhean Croise

Mateo 21:3

Yon te poučenn t'mendar, hoy t'mer lentsa kamenn te krell, palle penenn lenge: Hi maro rayeske, te beshell yob koy pre. Oun yon denn len t'mende.”

Mateo 23:10

Ma moukenn t'men te kharell: Baro sikepaskro! Yek baro sikepaskro hi t'men. Kova hi o Kristo.

Mateo 23:8

T'menge penau me: Ma moukenn t'men te kharell: Mo ray! T'mer han halauter phrala. Yek kokres hi t'maro ray.

Mateo 26:19

Oun o Yezouseskre mala djan kote, oun kran les yaake, har yob kova penas. Oun yon kran o rhapen.

Mateo 26:2

“T'mer djinenna, an douy divessa venn kol bare divessa, kay Passa kharenna. Oun o Menshengro Čaves vell an i vasta kolendar dino, kay les ap o troushel denna, te merell lo.”

Mateo 26:49

Oun sik djas lo pash o Yezouseste oun penas ap leste: “Lačo dives, mo ray!” oun čoumras les.

Markus 5:35

Har yob yaake rakras, van morsha dran o kheer kolestar, kay o pralstouno pral i biboldengri kangri hi, oun penan leske: “Tiri čay meras. Tou hounte mangess o rayes bouder gar.”

Louka 22:53

Hako dives homs pash t'mende an o Debleskro baro kheer, oun t'mer tapran man gar. Kanna hi t'maro tsiro. Kanna hi o benges penepaske.”

Johanni 11:28

Oun har yoy kova penas, djas yoy pash peskri phenyate oun penas čorrhanes ap late: “O sikepaskro hi koy oun dell tout gole.”

Johanni 12:23

O Yezous penas ap lende: “Ko tsiro hi kanna kay, kay o Devel sikrell o Menshengro Čaveskro raylepen.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Johanni 20:16

“Maria!” penas o Yezous. Koy rissras pes li trouyel, oun penas ap hebretikes: “Rabouni!” Kova kharella Sikepaskro.

Johanni 7:30

Koy kaman yon les te taprell. Oun kek nay hadas o vast ap leste. O tsiro his leske kanna gar koy, kay vell yob tapedo.

Johanni 7:6

Koy penas o Yezous ap lende: “O tsiro hi mange kanna gar kay, te djap kote. T'mer nay djan hako tsiro koy.

Johanni 7:8

Djan t'mer ap o festo! Me djau gar peha. O tsiro hi mange kanna gar kay.”