Mateo 25:21 - O Debleskro Lab 2024 (Sinte-Manouche)

²¹ Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral kay boudi mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

O Debleskro Drom 2021 (Sinte)

²¹ Penas o rai ap leste: Kowa kral tu mishto. Tu hal i latcho budepaskro. Me dom tut i tikni budi, un tu kral kai budi mishto. Doleske dau me kanna bud koowa an tire wasta. Ab an miro kheer dren, te wess tu mantsa bachteles!

Mateo 25:21 Iomraidhean Croise

Gosewe laba 14:35

I baro ray dikell lačes ap peskro boudepaskro, kay lauter mishto hayvell. Oun leskri rholi vell ap koleste, kay vi-ladjedo koova krell.

Gosewe laba 28:20

I morshes o labestar hi barht an boud koova. Kova, kay kamell sik braveles te vell, anell ninna doosh ap peste.

Mateo 24:45

I lačo boudepaskro della mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell len hako dives kova, hoy len hounte vell djipaske.

Mateo 24:47

Čačepah, me penau t'menge: Leskro ray dell peskro tselo bravlepen an leskre vasta.

Mateo 25:23

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral lat mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Louka 12:44

Čačepah, me penau t'menge: Leskro ray dell peskro tselo bravlepen an leskre vasta.”

Louka 16:10

“Koon an i tikno koova lauter mishto krella, kova krell ninna an i baro koova lauter mishto. Koon i tikno koova gar mishto krella, kova krell ninna i baro koova gar mishto.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 14:3

Oun te krom halauter yaake, te nay tserdenn dren, vau me pale, oun lau t'men pash mande, te venn t'mer kote, kay me hom.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Remarja 2:29

Na-a! Kova hi i čačo biboldo, koleske o Debleskro Dourho i nevo dji das. Kova nay krenn i činle laba gar. Savo biboldo rodell gar, te vell lo i menshendar sharedo. Yob vell o Deblestar sharedo.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

2. Korintarja 10:18

Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

Filiparja 1:23

Ava, me djinau gar, hoy feteder hi. Ap yek rig kamaus te merap oun te vap pash o Yezous Kristeste. Kova vals mange feteder.

1. Timoteo 3:13

Kol boudepangre, kay pengri boudi mishto krenna, kolla venn an-diklo pash i patslende, oun pash o Debleste. Oun len hi kek daar, te rakrenn le pral pengro patsepen ap o Yezous Kristeste.

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.