Mateo 24:9 - O Debleskro Lab 2024 (Sinte-Manouche)

⁹ Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande.

O Debleskro Drom 2021 (Sinte)

⁹ Palle taprenn le tumen, denn tumen dawa, un marenn tumen. Un i menshe an i tsele themma wenna chojedo ap tumende doleske, kai patsenn tumer ap mande.

Mateo 24:9 Iomraidhean Croise

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Daniel 11:33

Oun kolla, kay gosevo hi mank lende, sikrenn boudende o čačo drom. Doleske venn le i tikno tsiro palla lino, oun o rhareha maredo oun yagah rhačedo, oun an o stilepen vitsedo. Oun kova hoy lengro his, vell lenge krik lino.

Mateo 22:6

Oun pale vavar tapran kol boudepangren, praasan len, oun maran len.

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Louka 11:49

O Devel djinas kova. Doleske penas lo glan i rah tsiro: Me bičrau mire rakepangren oun mire bičepangren pash lende. Oun mashkral lende hi save morsha, kay venn lendar maredo, oun vavar venn palla lino.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Johanni 15:18

Te kamenn t'men i menshe ap kay phoub gar, ma bistrenn, kay yon kaman man vitar gar.

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Bičepangre 28:22

Mer kamah toutar te shounell, hoy tou peneh menge. Mer djinah, te rakrenn le djoungeles pral kava nevo drom, hoy tou sikreh.”

Bičepangre 7:59

Har yon ap leste i barrentsa vitsran, das o Stefano gole: “Ray Yezous, le man pash toute!”

1. Petro 4:16

Yek, kay patsell ap o Yezous Kristeste oun lell doleske i phagi, kova hounte ladjell gar. Na-a, yob te parkrell pes pash o Debleste, te hi o Yezous Kristo leskro ray.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”