Mateo 24:42 - O Debleskro Lab 2024 (Sinte-Manouche)

⁴² Rikrenn t'mare yaka pre! T'mer djinenn gar ko dives, kay t'maro ray pale vella.

O Debleskro Drom 2021 (Sinte)

⁴² Rikrenn tumare jaka pre! Tumer djinenn gar ko diwes, kai tumaro rai pale wella.

Mateo 24:42 Iomraidhean Croise

Mateo 24:36

Kek djinell ko tsiro, kaana kova lauter vella. I bolepangre an o bolepen djinenn les gar, vitar gar o Debleskro čavo. Miro dad an o bolepen kokres djinell les.

Mateo 24:43

Hayvenn: Te djinals o ray pral i kheer ko tsiro an i rati, kaana o čorepaskro vella, palle sovals lo gar, oun moukals kekes an peskro kheer dren te phagell.

Mateo 24:44

Doleske penau t'menge: Denn garda! Me, o Mensheskro Čavo, vau pale an i tsiro, kay t'mer gar djinenna.

Mateo 25:10

Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Remarja 13:11

Denn yak, te krenn kova! T'mer hayvan, havo tsiro kanna hi. O dives vell sik, kay vell o Yezous Kristo pale. Har van t'mer patslo, his ko tsiro dour t'mendar. Kanna hi ko dives bouder gar dour t'mendar. Doleske hounte vas gar har menshe, kay sovenna.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

1. Tessalonikarja 5:6

Doleske, te sovas mer gar har i vavar, te rikras mare yaka pre, oun te das yak har djivah!

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”