Mateo 24:27 - O Debleskro Lab 2024 (Sinte-Manouche)

²⁷ Ap ko dives, kay o Mensheskro Čavo pale vella, dikenn les i tsele menshe, yaake har i Debleskri yag ap o bolepen diklo vell, hoy djal yek rigyatar ap i vavar rig an o bolepen.

O Debleskro Drom 2021 (Sinte)

²⁷ Ap ko diwes, kai o Mensheskro Tchawo pale wella, dikenn les i tsele menshe, jaake har i Debleskri jag ap o bolepen diklo well, hoi djal jek rigjatar ap i wawar rig an o bolepen.

Mateo 24:27 Iomraidhean Croise

Hiob 37:3

Tel o tselo bolepen moukell lo koy yag karye te dell, oun koya djal pral i tseli phoub yek rigyatar ap i vavar.

Hiob 38:35

Bičreh tou o bolepaskri yag tele ap i phoub, oun poučell koya toutar: Kay kameh, te dap pre te tele karye?

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Ezekiel 1:14

Kol bolepangre nashan sik yek rigyatar ap i vavar, te dikas kova vin, har te dell yag karye ap o bolepen.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

Maleachi 3:2

Koon t'mendar nay rikrell ko dives vin, yob te vella? Oun koon t'mendar nay ačell glan leste tardo, yob te moukell pes te dikell? Yob hi har i zoreli sapouni oun har i yag, hoy rhačell i čik an o saster krik.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 16:28

Čačepah, me penau t'menge: Mashkral t'mende hi save menshe, kay merenn gar, bis te dikenn le o Menshengro Čaves, har yob o baro ray hi.

Mateo 24:26

Yon te penenn t'menge: O baro ray, kolestar o Devel penas, te vell yob, kova hi an o moulo them! ma djan kote vin! Oun yon te penenn: Yob hi an ko kheer! ma patsenn len!

Mateo 24:3

Pale djas lo ap i djeteskri berga oun beshas pes. Leskre mala kokres his pash leste oun poučan lestar: “Ap havo tsiro vell o Debleskro baro kheer tele phagedo? Har nay dikas mer, te vas ko tsiro, kay tou pale veh, oun o Devel o ray hi pral halauter?”

Mateo 24:37

Yaake har i menshe djivan an ko tsiro, kay o Noah djivas, yaake djivenn le an ko tsiro, kay o Mensheskro Čavo pale vella.

Mateo 24:39

hayvan le gar, hoy koy djas. O baro pani vas pral lende, oun yon lauter tassan. Yaake djal kova ninna ap ko dives, kay vell o Mensheskro Čavo pale.

Mateo 24:44

Doleske penau t'menge: Denn garda! Me, o Mensheskro Čavo, vau pale an i tsiro, kay t'mer gar djinenna.

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Jakobo 5:8

Ninna t'mer, ma avenn khino an t'mare djia! Ačenn zoreles an o patsepen! Hi bouder gar rah, kay vell maro ray Yezous pale.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”