Mateo 24:2 - O Debleskro Lab 2024 (Sinte-Manouche)

² Koy penas lo ap lende: “Kova, hoy t'mer kote lauter dikenna, kova lauter djal paash. Kate ačell kek bar ap i vavareste.”

O Debleskro Drom 2021 (Sinte)

² Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”

Mateo 24:2 Iomraidhean Croise

Jeremia 26:18

“Har o Hiskiya o baro ray pral Youda his, penas o Debleskro rakepaskro, o Mika dran o foro Moreshet, ap i tsele menshende an Youda: Kova penell o baro Devel, ko ray pral o bolepen oun i phoub: I dives vell, kay vell o foro Sion yaake trouyel vitsedo har i harhetikri phoub, te vell o pralstouni phoub tele oun i telstouni phoub pral. O forestar Yerusalem ačell či pral har barra. Oun ap koy berga, kay kanna o Debleskro kheer tardo hi, vell i divye bourra bares.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

Debleskro tsiro 21:22

Oun me dikom kek Debleskro kheer an ko foro, kay mangenn le o Debles an. O baro Devel kokres, kay hi o ray pral halauter, hi mashkral lende, yob oun o terno bakro.