Mateo 24:10 - O Debleskro Lab 2024 (Sinte-Manouche)

¹⁰ Oun boud denn pengro patsepen ap mande pre, oun phoukrenn ninna ap i vavarende, kay ap mande patsenna, oun yek krell o vavareske čilačepen.

O Debleskro Drom 2021 (Sinte)

¹⁰ Un bud denn pengro patsepen ap mande pre, un phukrenn ninna ap i wawarende, kai ap mande patsenna, un jek krell o wawareske tchilatchepen.

Mateo 24:10 Iomraidhean Croise

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Mateo 11:6

Oun barhtelo hi kova, kay rhoyrell pes gar pral mande!”

Mateo 13:21

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun yon venn mange palla lino, palle vitsrenn le pengro patsepen ap i rig.

Mateo 13:57

Oun yon van rhoyedo ap leste, oun kaman gar te patsell, kay o Devel les bičras. Koy penas o Yezous ap lende: “Kek Debleskro rakepaskro vell kote sharedo, kay yob khere hi. An i vavar forya oun gaba vell lo sharedo.”

Mateo 24:11

Ninna venna boud rhorhene rakepangre oun penenna, te hi le bičedo o Deblestar. Kolla anenn boud menshen o čačo dromestar tele.

Markus 13:12

An kol divessa phoukrell o phraal ap peskro phraleste, te vell yob maredo. Oun ninna o dad krell kova peskro čaveha. Oun i čave hadenn pen pral pengre dadende oun pral pengre dayende, oun denn len an i vasta kolendar, kay marenn len.

Markus 4:17

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun te venn le mange palla lino, palle vitsrenn le pengro patsepen ap i rig.

Louka 21:16

Oun t'maro dad oun t'mari day, t'mare phrala oun phenya, oun t'mare vavar menshe phoukrenn ap t'mende, ninna t'mare mala. Oun mank t'mende hi save, kay venn maredo.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.