Mateo 23:5 - O Debleskro Lab 2024 (Sinte-Manouche)

⁵ Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

O Debleskro Drom 2021 (Sinte)

⁵ Lauter, hoi kolla krenna, krenn le, te dikenn kowa i wawar. Te pandenn le i diklo trul o shero un trul i mussi, kai o Debleskre laba dren tchinlo hi, jaake hi lengro diklo buchleder har ko diklo i wawar murshendar. Un len hi lengste koola ap pende, te sikrenn le i menshende, te hi le o Debleskre mursha.

Mateo 23:5 Iomraidhean Croise

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

Gosewe laba 3:3

Djib hako tsiro an o lačepen oun an o čačepen! Pande mire laba har i verkli troul tiri meen, oun čin len an tiro dji!

3. Mose 13:32

Te dikell lo pal kol efta divessa palla, oun koy nasseli kotar hauta vas gar bareder, oun hi gar doureder tele har i vavar hauta, oun kek djelto bal hi koy,

Mateo 9:20

Ap o drom his i djouvel. Kolat his deesh-te-douy bersha i ratlo nasslepen.

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

Louka 20:47

Yon lenn i khera kol djouvyendar krik, kolengre romma moulo hi. Te mangenn le o Debles, palle rakrenn le leha i rah tsiro, te dikenn i menshe, har patslo yon hi. O Devel rakrell i phagi pral lende vin, oun yon lenna i bareder phagi har i vavar.”

Johanni 12:43

Lenge his boudeder moldo, te venn yon sharedo i menshendar har o Deblestar.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

5. Mose 11:18

Ma bistrenn kal laba! Čivenn len ap t'mare djia, oun pandenn len troul t'mare moussya oun troul t'maro shero, te bistrenn len gar!

5. Mose 22:12

Ap tiri baya sivess khetne pandle dorya ap kol star rigya.

5. Mose 6:8

Pande kol laba ap i pandepen troul tiro vast oun troul tiro shero pral i yaka, te bistress len gar.

Filiparja 1:15

Mashkral lende hi ninna save, kay zilverenn ap mande. Kolla rakrenn o Yezous Kristestar, te sikrenn le mande, kay yon kova feteder hayvenna har me. Yon krenn kova dran i čilačo dji oun kamenn, te vell mange boudeder ropaske. Vavar sikrenn i menshende o Yezouseskro drom dran i lačo dji. Yon kamenn man o djiyestar oun djinenna, me hom kate stildo, te sikrap o Yezouseskro drom i čačepangren yaake, te djinenn le o čačepen.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.