Mateo 23:38 - O Debleskro Lab 2024 (Sinte-Manouche)

³⁸ Doleske moukell o Devel peskro kheer pash t'mende oun djivell bouder gar koy.

O Debleskro Drom 2021 (Sinte)

³⁸ Doleske mukell o Dewel peskro kheer pash tumende un djiwell buder gar koi.

Mateo 23:38 Iomraidhean Croise

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

Debleskri gili 69:24

Lengre yaka te venn korelo, te nay dikenn le bouder či! Le lendar lengri zoor, te djan le bango.

Debleskri gili 69:25

De lenge i phagi! Oun tiri bari rholi mou taprell len.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 22:5

Te shounenn t'mer gar ap kal laba, vell kava kheer paash dino. Kova dom man sovel pash mande kokres, penell o baro Devel.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Zefanja 3:6

O baro Devel penell: Me krom, te hi tsele natsyone bouder gar koy. Lengre forya hi paash. Lengre zorele khera hi tele phagedo, Kek menshe djivenn bouder koy. Ap i dromma djal bouder kek mensho. Halauter hi krik.

Zakarie 11:6

O baro Devel penell: “Kanna khaytenn man bouder gar i menshe an kava them. Me moukau i menshen te perell yek an o vast o vavarestar, oun dau len ninna lengre pralstunenge an i vasta. Kolla denn o them paash, oun me lau len gar vin dran lengre vasta.”

Mateo 24:2

Koy penas lo ap lende: “Kova, hoy t'mer kote lauter dikenna, kova lauter djal paash. Kate ačell kek bar ap i vavareste.”

Markus 13:14

An o Debleskro lab hi činlo pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura kote tardo, kay hounte vell li gar tardo, palle hounte nashenn kolla, kay hi an o them Youdea, sik ap i berge!

Louka 13:35

Doleske moukell o Devel t'maro foro oun dell bouder gar garda ap leste. Oun me penau t'menge: T'mer dikenn man yaake rah bouder gar, bis te vas ko tsiro, kay t'mer penenna: Sharedo vell kova, kay hi o Deblestar bičedo!”

Louka 21:20

“Te dikenn t'mer, kay boud lourde troul o foro Yerusalem tardo hi, palle djinenn t'mer, kay yon ko foro paash krenna.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Louka 21:6

“Ko tsiro vella, kay halauter, hoy t'mer kate dikenna, paash djala. Kek bar ačell ap i vavareste.”