Mateo 23:26 - O Debleskro Lab 2024 (Sinte-Manouche)

²⁶ Tou Farisari, tou hal korelo. Kre tiro dji djoudjo! Palle vell touke o tselo vavar koova ninna djoudjo.

O Debleskro Drom 2021 (Sinte)

²⁶ Tu Farisari, tu hal korelo. Kre tiro dji djudjo! Palle well tuke o tselo wawar koowa ninna djudjo.

Mateo 23:26 Iomraidhean Croise

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

Mateo 12:33

Te hi t'men i lačo phabyengro rouk, hi t'men ninna lače phabya. Te hi t'men i phabyengro rouk, kay gar lačo hi, hi t'men ninna phabya, kay gar lačo hi. Ap kova, hoy o roukestar vella, dikenn t'mer, har ko rouk hi.

Mateo 14:8

Oun yoy djas pash peskri date oun poučas latar, hoy yoy nay lestar mangella. Oun koya penas ap late, hoy yoy hounte leske penella. Oun yaake penas li ap leste: “De man kate ap i čaro o shero o Yohannestar, kova kay taufras i menshen!”

Markus 7:4

Te venn yon dran o foro an lengro kheer pale, thovenn le pen, oun palle nay rhan le. Oun yon rikrenn pen ap boud vavar koova, oun thovenn i khore, i pirya oun i sasterne čare yaake, har lengre phoure lenge penan.

Louka 11:39

Koy penas o Yezous ap leste: “T'mer Farisarya, t'mer thovenn t'mare khore oun čare vriyal. Oun t'maro dji hi pherdo čorepen oun čilačepen.

Louka 6:45

Dran i lačo mensheskro dji vell lačo koova. Dran i čilačo dji vell čilačo koova. I mensho penell kova, hoy an leskro dji dren hi.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!