Mateo 23:24 - O Debleskro Lab 2024 (Sinte-Manouche)

²⁴ T'mer kamenn i vavaren o čačo drom te sikrell, oun han kokres har i korele, kay či dikenna. T'mer trashenn hako tikno koova, hoy t'men pale-čiddo krella, oun denn gar garda ap kova, hoy t'men glan o Debleste pale-čiddo krella.

O Debleskro Drom 2021 (Sinte)

²⁴ Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer trashenn hako tikno koowa, hoi tumen pale-tchiddo krella, un denn gar garda ap kowa, hoi tumen glan o Debleste pale-tchiddo krella.

Mateo 23:24 Iomraidhean Croise

Jesaja 9:16

Doleske nay vell o Devel gar barhtelo pral lengre terne morshende, oun les nay hi kek dji kol čavenge, kolen kek dad bouder hi, ninna kol djouvyenge, kolengre romma meran. Yon halauter peran o Debleskro dromestar tele, kran čilačo koova, oun rakrenn pen dinlepen khetne. Pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Mateo 15:14

Moukenn le te rakrell! Yon hi korele oun kamenn i korelen ap o vast te lenn. Oun te lell i korelo i koreles ap o vast, perenn hake douy.”

Mateo 19:24

Me penau t'menge ninna: Hi gar yaake pharo, te djal i baro firho an i soubyakro kand dren har te vell i bravelo ap o Debleskro drom.”

Mateo 23:16

Kova, hoy t'mer krenna, ko hi gar mishto. T'mer kamenn i vavaren o čačo drom te sikrell, oun han kokres har i korele, kay či dikenna. T'mer penenn i menshenge: “Te dell yek pes ap o Debleskro baro kheer sovel, yaake hi kava sovel či moldo. Te dell yek pes ap o sonakay sovel, hoy an o Debleskro baro kheer hi, palle hounte krell lo kova, hoy yob penas.”

Mateo 7:4

Har nay peneh tou ap leste: Miro phraal, am kay! Me kamau ko tikno kasht dran tiro yak vin tserdell. Oun tou dikeh gar o baro kasht an tiro yak.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Johanni 18:40

Yon dan pale gole: “Gar koles! Mer kamah, te moukess o Barabes dran o stilepen vin!” Kova his i marepaskro.

Debleskro tsiro 12:16

Koy kras i phoub peskro mouy pre, oun piyas ko tselo zorelo pani, hoy ko baro lolo sap dran peskro mouy vin čoungras.