Mateo 23:2 - O Debleskro Lab 2024 (Sinte-Manouche)

² oun penas: I biboldengre čačepangre oun i Farisarya, kolen hi o Moseskro vast, te penenn le i menshenge o Debleskro lab.

O Debleskro Drom 2021 (Sinte)

² un penas: I biboldengre tchatchepangre un i Farisarja, kolen hi o Moseskro wast, te penenn le i menshenge o Debleskro lab.

Mateo 23:2 Iomraidhean Croise

Esra 7:25

Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Mateo 23:3

Kova, hoy yon t'menge penenna, kova krenn lauter oun rikrenn t'men ap kova! Kova, hoy yon krenna, ma krenn! Yon kokres krenn kova gar, hoy yon i menshenge penenna.

Markus 12:38

Oun yob rakras ap lende oun penas: Denn yak ap t'mende! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Lačo dives, mo ray” ap lende.

Louka 20:46

“Denn yak! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Lačo dives, mo ray! ap lende. Ninna kamenn le ap i pralstoune beshepangre te beshell an i biboldengri kangri oun ap i feteder beshepangre pash i baro rhapen.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.