Mateo 22:4 - O Debleskro Lab 2024 (Sinte-Manouche)

⁴ Oun pale bičras lo vavar boudepangren pash kolende, te penenn le ap lende: Shounenn, me krom i rhapen t'menge, oun marom thoulle groumya. Oun vavar lačo rhapen oun pipen hi lauter koy. Avenn ap i biyab!

O Debleskro Drom 2021 (Sinte)

⁴ Un pale bitchras lo wawar budepangren pash kolende, te penenn le ap lende: Shunenn, me krom i chapen tumenge, un marom thulle grumja. Un wawar latcho chapen un pipen hi lauter koi. Awenn ap i bijab!

Mateo 22:4 Iomraidhean Croise

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Gosewe laba 15:17

Hi feteder te hi tout sharha te rhal tire malentsa, har lačo groumyengro mass kolentsa, kay hi rholi an lende.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Mateo 21:36

Yob bičras vavar boudepangren pash lende, boudeder har yob o glanstouno kopo bičras. Oun i harhe kran lentsa yaake, har kol vavarentsa.

Mateo 22:5

Oun kolla shounan gar ap lende oun djan penge. Ko yek djas ap peskro kotar phoub, ko vavar ap o mangepen.

Mateo 22:8

Palle penas lo ap peskre boudepangren: Kanna hi i biyab. Oun kol menshe, kay me ap o rhapen gole dom, hi gar moldo, te venn le ap i biyab.

Louka 14:17

Oun ap ko tsiro, kay yob kamas pes tele te beshell, bičras lo i boudepaskres pash lende, te penell lo: Avenn! Rhapen oun pipen hi lauter koy.

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?