Mateo 22:24 - O Debleskro Lab 2024 (Sinte-Manouche)

²⁴ Yon penan ap leste: “Sikepaskro, o Mose penas: Te merell i romedino morsh, oun les his kek čave, palle hounte romedinerell peskro phraal koy romyat, te vell peskro phraleske i ternepen boldo.

O Debleskro Drom 2021 (Sinte)

²⁴ Jon penan ap leste: “Sikepaskro, o Mose penas: Te merell i romedino mursh, un les his kek tchawe, palle hunte romedinerell peskro phraal koi romjat, te well peskro phraleske i ternepen boldo.

Mateo 22:24 Iomraidhean Croise

1. Mose 38:11

Koy penas o Youda ap i Tamar, peskro čaveskri romyate: “Ač kokres an tiro dadeskro kheer, yaake rah bis te miro čavo, o Shela, baro vas.” O Youda penas peske: Te merell yob gar har leskre phrala! Oun i Tamar djas peske oun ačas pash peskro dadeste.

1. Mose 38:8

Koy penas o Youda ap o Onan: “Ab khetne koy romyah tiro phralestar, te vell tiro phrales i čavo, har pash mende kova yaake hi.”

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Mateo 22:25

Koy his pash mende efta phrala. Oun o phourester, kay romedino his, meras. Les his kek čave. Doleske las peskro phraal koy romyat.

Mateo 22:36

“Sikepaskro, kol tsele labendar, kay penenna, hoy o Devel mendar kamella, havo lab hi o bareder lendar?”

Mateo 7:21

Kolen, kay penenn ap mande Ray, ray lell o Devel gar lauter pash peste an o bolepen. Na-a! Kolla kokres, kay krenna, hoy miro dad an o bolepen kamella, kolen lell lo an o bolepen.

Markus 12:19

“Sikepaskro, o Mose činas an peskre lila: Te merell i rom, kay romedino hi, oun les hi kek čave, palle hounte romedinerell lat leskro phraal, te vell leskro phraleske čaven boldo.

Louka 20:28

“Sikepaskro, o Mose činas: Te merell tiro phraal, kay romedino hi, oun les hi kek čave, palle romedineress tou leskri romyat, te vell tiro phraleske i ternepen boldo.

Louka 20:33

Kanna poučah mer toutar: Ap ko tsiro, kay krell o Devel i moulen djido, koneskri romni hi li? Hake efta his lah romedino.”

Louka 6:46

Hoske penenn t'mer: Ray, ray! ap mande oun krenn gar, hoy me t'menge penaua?

Ruth 1:11

I Naomi penas: “Djan khere, mire ča! Hoske kamenn t'mer mantsa te djal? Me hom bouder gar terni doha, te lap čave, te nay vans le t'mare romma.

Ruth 3:13

Ač kay rat kay. Taysarlake poučau lestar. Te kamell lo touke koy te vell, hi kova mange mishto. Te kamell lo gar, krau me kova. Kova dau me man sovel pash o djido Debleste. Kanna ač čiddo bis taysarlake!”

Ruth 4:5

Koy penas o Boas: “Ap ko dives, kay tou ko kotar phoub dran i Naomyakro vast gineh, hounte less tou ninna i Ruth, kay hi dran o them Moab, kolakro rom moulo hi, oun romedineress lat, te lell li toutar i čavo. Koleste vell palle ko kotar phoub. Oun yaake ačell ko kotar phoub an leskri familya.”