Mateo 22:16 - O Debleskro Lab 2024 (Sinte-Manouche)

¹⁶ Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

O Debleskro Drom 2021 (Sinte)

¹⁶ Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

Mateo 22:16 Iomraidhean Croise

1. Rajengro liil 22:14

O Mika penas: “Pash o djido Debleste dau me man sovel: Me rakrau kokres kol laba, hoy o baro Devel mange penell!”

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Gosewe laba 29:5

Kova, kay makell i vavareske gvin troul o mouy, kova čivell i netsa khatedo vin glan koleskre pire.

Maleachi 2:6

Yon anan i menshenge kova pashel, hoy čačo hi. Oun kek čilačo lab his an lengre mouya. Yon djivan glan mande an o lačepen oun an o čačepen, oun rikran boud menshen o čilačepastar pale.

Maleachi 2:9

T'mer rikran t'men gar ap miro drom, oun dikan ap o mensheste, har an-diklo yob hi, har penan leske, hoy te krell lo. Doleske krom t'men pale-čiddo, oun čivom ladj ap t'mende glan i tsele menshende an Israel.

Mateo 22:24

Yon penan ap leste: “Sikepaskro, o Mose penas: Te merell i romedino morsh, oun les his kek čave, palle hounte romedinerell peskro phraal koy romyat, te vell peskro phraleske i ternepen boldo.

Mateo 22:26

Oun ko douyto meras, oun les his kek čave. Oun ko triinto romedineras lat oun meras. Oun les his kek čave. Oun yaake djas kova bis ap o eftato. Yek pal o vavar romedineran lat oun meran. Oun lauteren his kek čave.

Mateo 26:18

Koy penas yob lenge, pash havo morsheste an o foro Yerusalem yon hounte djan. “Koleske penenn”, penas yob, “maro sikepaskro penell touke: Miro tsiro hi kanna kay. Pash toute kamau te rhal o rhapen mire malentsa.”

Mateo 26:49

Oun sik djas lo pash o Yezouseste oun penas ap leste: “Lačo dives, mo ray!” oun čoumras les.

Markus 10:17

Har djas o Yezous doureder ap o drom, nashas yek pash leste, peras glan leste tele ap i phoub, oun poučas lestar: “Lačo sikepaskro, hoy hounte krap, te dell man o Devel o djipen, hoy gar pre-herella?”

Markus 12:13

I Farisarya kran pen khetne kolentsa, kay shounenn ap o Herodes, oun bičran morshen pash o Yezouseste, te taprenn le les an peskro rakepen.

Markus 12:14

Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”

Markus 3:6

Oun kol Farisarya djan vin, oun djan pash kolende, kay shounenn ap o Herodeste, oun rakran lentsa, har yon nay marenn les.

Markus 8:15

Oun o Yezous penas zoreles ap lende: “Denn yak! O shoutlo yarro hi gar mishto, hoy vell i Farisarendar oun o Herodestar!”

Louka 20:21

Oun yaake penan le ap leste: “Sikepaskro, mer djinah, te dareh tou kekestar. Oun tou peneh o čačepen i menshenge an o mouy. Oun tou sikreh lende o Debleskro drom.

Louka 7:40

Koy penas o Yezous ap leste: “Simon, me hounte penap touke čomone.” “Sikepaskro, pen les mange!” penas lo.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Galatarja 2:6

Kol phrala, kay hi pralstoune mank i patslende, kolla penan gar, kay kova, hoy me i menshenge penau, gar čačo hi. Te rakrau kol pralstunendar, hi mange yek, hoy yon his. O Devel dikell gar ap kova, har i mensho an-diklo hi.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

1. Tessalonikarja 2:4

Na-a, o Debleske ham moldo, te das lo men koy boudi, te sikras mer i menshende o Yezouseskro drom. Doleske rakrah mer lestar. Kova krah gar, te dikenn i menshe lačes ap mende, na-a, mer kamah, te dikell o Devel lačes ap mende. Yob djinella, hoy an maro dji hi.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.