Mateo 22:13 - O Debleskro Lab 2024 (Sinte-Manouche)

¹³ Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

O Debleskro Drom 2021 (Sinte)

¹³ Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Mateo 22:13 Iomraidhean Croise

Debleskri gili 112:10

O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske.

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Daniel 3:20

Pale penas lo peskre zorleder lourdenge, te pandenn le o Shadrak oun o Meshak oun o Abed-Nego, oun te vitsrenn le len an koy bobeskri yag.

Mateo 12:29

Kova, kay kamell an o kheer i zorelo morshestar dren phagell, te lell lo leskro bravlepen, kova hounte pandell ko zorelo morshes. Oun palle randell lo leskro tselo bravlepen.

Mateo 13:30

Moukenn kova lauter khetne baro te vell, bis te anah mer o djob an o djobeskro kheer! Oun ap ko tsiro penau me ap kolende, kay ko djob činenna: Anenn o djoungelo zenlepen khetne, oun pandenn les khetne, te rhačrenn les! Oun palle anenn o djob khetne, oun anenn les an o djobeskro kheer!

Mateo 13:42

Oun i bolepangre vitsrenn len an i bobeskri yag. Kote rovenn le, oun dandrenn i danda i doukatar khetne.

Mateo 13:50

Oun yon vitsrenn i čilačen an i bobeskri yag. Oun kote rovenn le, oun dandrenn i danda i doukatar khetne.

Mateo 24:51

oun dell ko boudepaskres khetne, oun anell les kote, kay i rhorhene hi. Kote rovenn le, oun dandrenn i danda khetne i doukatar.

Mateo 25:30

Ko boudepaskro, kay či moldo hi, vitsrenn les an i kali rat vin! Kote rovenn le, oun dandrenn i danda i doukatar khetne.

Mateo 8:12

Oun i biboldendar venna boud an i kali rat vin vitsedo. Oun yon rovenna, oun dandrenn i danda i doukatar khetne.”

Louka 13:28

Te han t'mer vin tardo oun dikenn, kay o Abraham, oun o Isaak, oun o Yakob, oun kol tsele Debleskre rakepangre pash o Debleste an o bolepen hi, rovenn t'mer. Oun t'mer dandrenn i danda i doukatar khetne.

Johanni 21:18

Čačepah, me penau touke: Har tou terno hals, pandal tou tiri dori kokres troul tiro ripen, oun djal kote, kay tou kamal. Te val tou phouro, rikreh tou tire vasta glan toute, oun i vavar pandell tire vasta khetne, oun anell tout kote, kay tou gar kameh te djal.”

Bičepangre 21:11

Oun yob vas pash mende, las koy dori, hoy o Paules troul peskro ripen his, oun pandas peskre pire oun vasta, oun penas: “Kova penas mange o Debleskro Dourho: Ko morsh, koneske kay dori hi, koles pandenn i bibolde an o foro Yerusalem, oun denn les an i vasta kolendar, kay kek bibolde hi.”

Bičepangre 7:54

Har yon kova shounan, hoy o Stefano lenge penas, djas lenge kova an o dji, oun i bari rholi tapras len.

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen

2. Petro 2:17

Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.