Mateo 22:12 - O Debleskro Lab 2024 (Sinte-Manouche)

¹² Oun yob penas ap leste: Miro maal, tout hi kek biyabeskro ripen ap toute, te nay djah tou ap i biyab. Hoy kreh tou kate? Oun kova nashte penas leske či.

O Debleskro Drom 2021 (Sinte)

¹² Un job penas ap leste: Miro maal, tut hi kek bijabeskro ripen ap tute, te nai djah tu ap i bijab. Hoi kreh tu kate? Un kowa nashte penas leske tchi.

Mateo 22:12 Iomraidhean Croise

Hiob 5:16

Yaake lell o čorvelo pale nevi zoor an peskro dji, oun o čilačepen hounte rikrell peskro mouy.

Debleskri gili 107:42

Kova dikenn kolla, kay o čačo drom djan, oun hi barhteles, oun i čilačenge vell o mouy pandlo.

Jeremia 2:23

Har nay peneh tou: Me krom man gar pale-čiddo? Me nashom gar kol deblenge palla, hoy kharenn Baal. Dik ap toute, hoy tou kreh an i tala! Ma biste, har djival! Har i khamela, kay hi bipandlo, nasheh tou trouyel,

Jeremia 2:26

Har i čorepaskro hounte ladjell peske, te vell yob tapedo, yaake hounte ladjenn penge kol menshe an o them Israel, ninna kol bare raya, oun pralstoune oun rashaya oun Debleskre rakepangre,

Mateo 20:13

Koy penas ko ray ap yekeste lendar: Miro maal, me rhorhrom tout gar. Tou kral mantsa vin, te boudress mange, oun te leh yek roupeni bema mandar.

Mateo 26:50

Penas o Yezous: “Mo maal, hoske val tou?” Oun palle van kol vavar morsha, tapran o Yezouses, oun pandan les.

Mateo 5:20

Oun me penau t'menge: T'mer nay djivenn gar o Debleha khetne an o bolepen, te krenn t'mer gar, hoy o Devel kamella. Oun t'mer hounte krenn kova feteder, har i biboldengre čačepangre oun i Farisarya kova krenna.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Tito 3:11

Tou djiness, savo mensho djas o čačo dromestar tele, oun kamell gar pale ap o čačo drom te vell. Yaake sikrell lo, kay yob moukas o Debles.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.