Mateo 22:10 - O Debleskro Lab 2024 (Sinte-Manouche)

¹⁰ Oun kol boudepangre djan ap kol tsele dromma, oun anan lauteren khetne, i čilačen oun i lačen. Oun yaake boud menshe van ap i biyab, te vas o kheer pherdo.

O Debleskro Drom 2021 (Sinte)

¹⁰ Un kol budepangre djan ap kol tsele dromma, un anan lauteren khetne, i tchilatchen un i latchen. Un jaake bud menshe wan ap i bijab, te was o kheer pherdo.

Mateo 22:10 Iomraidhean Croise

Mateo 13:38

Oun ko kotar them, kolla hi i tsele menshe ap i phoub. Oun o lačo djob, kolla hi kol menshe, kay moukenn o Debles pengro ray te vell. Oun ko djoungelo zenlepen, kolla hi i čilače, pral kolende o beng o ray hi.

Mateo 22:9

Djan kanna ap i dromma, kay boud menshe hi! Oun penenn lauterenge, kay t'mer kote hatsenna, te venn le ap i biyab!

Mateo 25:10

Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.