Mateo 21:43 - O Debleskro Lab 2024 (Sinte-Manouche)

⁴³ Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

O Debleskro Drom 2021 (Sinte)

⁴³ Awa, me penau tumenge: An ko tsiro, hoi wella, han tumer buder gar o Debleskre menshe. O Dewel dell wawar menshen khetne gole, te djiwenn le leha khetne. Un jon krenna, hoi o Dewel kamella.

Mateo 21:43 Iomraidhean Croise

2. Mose 19:6

oun han vi-rodedo, te venn bare raya oun rashaya, kay hi mange koy. Kal laba peness tou ap i tsele Israelitarya.”

Jesaja 26:2

Krenn o foreskre bare voudya pre, te djan kolla dren, kay an o čačepen tardo hi, oun rikrenn ap pengro Debleste.

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Mateo 12:28

Na-a, gar o beng das man koy zoor. O Debleskro Dourho das man koy zoor, te nay tradap i bengen vin. Koy pre dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Mateo 21:44

Koon ap kava bar perella, kova merella. Ap koneste kava bar perella, koles dell ko bar khetne.”

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.