Mateo 21:34 - O Debleskro Lab 2024 (Sinte-Manouche)

³⁴ Har ko tsiro vas, te anenn le i drake dren, bičras lo peskre boudepangren pash i harhende, te lenn le lendar kol drake, hoy leske hi.

O Debleskro Drom 2021 (Sinte)

³⁴ Har ko tsiro was, te anenn le i drake dren, bitchras lo peskre budepangren pash i hachende, te lenn le lendar kol drake, hoi leske hi.

Mateo 21:34 Iomraidhean Croise

Jesaja 5:4

Hoy hounte kroms boudeder an miro drakengro them, hoy gar krom? Hoske anas lo divye shoutle drake vin? Oun me patsom, te hi le lačo oun goudlo.

Jeremia 35:15

Me bičrom t'menge pale te pale mire rakepangre, kay mange boudrenn, oun moukom t'menge te penell: Djan tele, hakeno peskro čilačo dromestar! Moukenn t'maro čilačo koova, oun nashenn bouder gar moule deblenge palla, te mangenn len an! Palle nay ačenn an kava them, hoy me t'menge oun t'mare phourenge dom. T'mer dan gar yak ap mire laba oun shounan gar ap mande.

Mateo 21:35

I harhe tapran kol boudepangren. Ko yekes dan le dava, oun ko vavares maran le. Oun pale i vavares vitsran le i barrentsa moulo.

Mateo 21:38

Har i harhe leskro čaves dikan, rakran le mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals.

Mateo 21:40

Kanna poučas o Yezous kolendar, kay kote tardo hi: “Hoy krell o ray pral ko drakengro them kol harhentsa, te vell lo pale?”

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Mateo 22:3

Ap ko tsiro, kay i biyab his, bičras lo peskre boudepangren pash i menshende, te denn le len pash i biyab gole. Oun yon kaman gar te vell.

Markus 12:1

Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them.

Markus 12:7

Kol harhe rakran mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals!

Markus 12:9

Hoy krell kanna ko ray pral ko drakengro them? Yob vella, oun marell kol harhen, oun dell ko drakengro them i vavaren.

Louka 20:9

Oun o Yezous penas i menshenge laba, kay i khatedo čačepen dren hi, oun penas: “His i morsh. Koles his i kotar them. Kote čivas lo drakengre rouka an i phoub, oun patsas kava them ap i harhende, te boudrenn le kote leske. Oun yob djas peske an i vavar them i rah tsireske.