Mateo 21:33 - O Debleskro Lab 2024 (Sinte-Manouche)

³³ Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

O Debleskro Drom 2021 (Sinte)

³³ Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

Mateo 21:33 Iomraidhean Croise

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Jeremia 19:3

Oun pen: Shounenn o baro Debleskro lab, t'mer bare raya pral o them Youda oun menshe an Yerusalem. Yaake penell o baro Devel, ko ray pral o bolepen oun i phoub, kay o Israeleskro Devel hi: Shounenn, me kamau bari bibarht pral kava foro te anell, kay hakeno, kay shounell kova, leskre kanda doukenna.

Jeremia 2:21

Me čivom tout dren har i vi-rodedo drakengro rouk, i lačo shoukar rouk. Oun hoy vas kanna dran toute? I divyo djoungelo rouk!

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Mateo 13:18

Shounenn kanna, hoy kamenn kol laba pral o djob t'menge te penell:

Mateo 20:1

Oun o Yezous penas lenge, har kote hi, kay dell o Devel menshen pash peste gole, te djan le ap leskro drom. O Devel hi har i ray, koles his i kotar them, kay drakengre rouka tardo hi. Sik taysarlake djas lo an o foro dren, oun rodas peske i boudepangren, te boudrenn le ap leskro kotar them.

Mateo 21:28

“Kanna kamau t'menge čomone te penell: His i dad. Koles his douy čave. Oun yob djas pash ko phoureder čaveste, oun penas ap leste: Mo čavo, dja ap ko kotar them, kay hi i drakengre rouka tardo, oun boude kote!

Mateo 23:2

oun penas: I biboldengre čačepangre oun i Farisarya, kolen hi o Moseskro vast, te penenn le i menshenge o Debleskro lab.

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

Louka 19:12

oun penas: “I pralstouno kamas te vell lo baro ray pral peskro them. Doleske djas lo pash koleste, kay hi o vast pral boud themma, te krell kova les baro ray. Oun pal kova kamas lo an peskro them pale te djal.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.