Mateo 21:26 - O Debleskro Lab 2024 (Sinte-Manouche)

²⁶ Te penah mer leske: I menshe bičran o Yohannes, palle hounte trashas i menshendar. Yon patsenna, te hi o Yohanni i Debleskro rakepaskro.”

O Debleskro Drom 2021 (Sinte)

²⁶ Te penah mer leske: I menshe bitchran o Johannes, palle hunte trashas i menshendar. Jon patsenna, te hi o Johanni i Debleskro rakepaskro.”

Mateo 21:26 Iomraidhean Croise

Jesaja 57:11

Konestar trashal oun daral tou yaake, te rhorhral man oun bistral man, oun moukal man touke gar an o shero te vell? Hi kova gar yaake: I rah tsiro penom či koy pral. Oun doleske dareh bouder gar mandar.

Mateo 11:9

Hoske djan t'mer an o moulo them? Kaman t'mer i Debleskro rakepaskro te dikell? Ava, kova hi o Yohanni. Oun me penau t'menge: Yob hi bareder har i Debleskro rakepaskro.

Mateo 14:5

Yob marals les, te vans gar kol boud menshe koy, kay patsan, te hi o Yohanni i Debleskro rakepaskro. Kolendar daras o Herodes.

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Mateo 21:25

Kanna poučau me t'mendar: Bičras o Devel o Yohannes, te taufrell lo i menshen? Bičran i menshe o Yohannes?” Oun yon rakran mashkral pende, oun penan: “Te penah mer leske: O Devel bičras o Yohannes, palle penell lo menge: Hoske patsan t'mer les gar?

Mateo 21:27

Oun yaake penan le ap o Yezouseste: “Mer djinah les gar.” Koy penas lo ap lende: “Yaake penau t'menge vitar gar, koon man bičras, te krap me kova.”

Mateo 21:46

Oun yon kaman les te taprell, oun kran kova gar. Yon daran i menshendar. Kolla patsan, kay hi o Yezous o Debleskro rakepaskro.

Markus 11:32

Vitar gar nay penah mer: I menshe bičran les.” Yon trashan kol boud menshendar. Kolla patsan, te hi o Yohanni čačepah i Debleskro rakepaskro.

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Louka 20:19

Oun i biboldengre čačepangre oun i bare rashaya hayvan, kay rakras o Yezous lendar. Oun yon kaman te taprenn le les sik pal leskro rakepen, te čivenn le les an o stilepen. Yon trashan i menshendar. Doleske tapran le les gar.

Louka 20:6

Te penah mer leske: I menshe bičran les, vitsrenn le barrentsa ap mende, te marenn le men. Yon patsenn zoreles, te hi lo i Debleskro rakepaskro.”

Louka 22:2

Oun i bare rashaya oun i biboldengre čačepangre rodan i drom, har yon nay marenn o Yezouses. Yon kaman les gar glan kol boud menshende te taprell. Kolendar daran le.

Johanni 5:35

O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

Johanni 9:22

Len his daar kol pralstoune biboldendar. Doleske rakran yon yaake. I pralstoune bibolde kaman hakenes pale-čiddo te krell, kay penella o Yezousestar: Yob hi o baro ray, kolestar o Devel penas, te vell yob.

Bičepangre 5:26

Koy djas ko pralstouno klisto kol vavar klistentsa an o Debleskro baro kheer, oun lan i Yezouseskre bičepangre vin. Kova kran le kek zoryah. I kliste daran i menshendar, te marenn le len i barrentsa.