Mateo 21:22 - O Debleskro Lab 2024 (Sinte-Manouche)

²² Te patsenn t'mer, te lenn kova, hoy mangenna o Deblestar, palle lenn t'mer kova lauter ninna.”

O Debleskro Drom 2021 (Sinte)

²² Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Mateo 21:22 Iomraidhean Croise

Mateo 18:19

Me penau t'menge ninna: Te mangenn douy t'mendar khetne čomone o Deblestar, palle dell len miro dad an o bolepen kova, hoy yon lestar mangan.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Mateo 7:7

Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar, oun kova vell t'menge pre kerdo!

Markus 11:24

Doleske penau t'menge: Lauter, hoy t'mer o Deblestar mangenna, patsenn, te lan les, palle lenn t'mer kova ninna.

Johanni 14:13

Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.