Mateo 21:13 - O Debleskro Lab 2024 (Sinte-Manouche)

¹³ Oun yob penas ap kol tsele menshende: “O Devel penas: Miro kheer te vell i kheer, kay sharenn man i menshe oun mangenn man an. T'mer kran lestar i kheer, kay i menshe rhorhenna oun randenna.”

O Debleskro Drom 2021 (Sinte)

¹³ Un job penas ap kol tsele menshende: “O Dewel penas: Miro kheer te well i kheer, kai sharenn man i menshe un mangenn man an. Tumer kran lestar i kheer, kai i menshe chochenna un randenna.”

Mateo 21:13 Iomraidhean Croise

Debleskri gili 93:5

Tiro lab hi o čačepen, oun tiro kheer hi hako tsiro touke kokres, baro Devel, yaake rah har i phoub koy hi.

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jeremia 7:11

Kava kheer, hoy mange kerdo vas, hi kava t'menge i kheer, kay i čorepangre pengro čoredo koova khatrenn? Mishto, palle dikau me kova ninna yaake, penell o baro Devel.

Mateo 2:5

Oun yon penan leske: “An o foro Betlehem an o them Youdea. Yaake činas kova o Debleskro rakepaskro:

Markus 11:17

Oun yob penas lenge, hoy an o Debleskro lab činlo hi, oun penas: O Devel penella: Miro kheer te vell i kheer, kay i tsele menshe ap i phoub nay venna, te sharenn le man, oun te mangenn le man an. T'mer kran lestar i kheer, kay i menshe rhorhenna oun randenna.

Louka 19:45

Oun o Yezous djas an o Debleskro baro kheer oun tradas kol bikepangren vin,

Louka 19:46

oun penas lenge: “An o Debleskro lab hi činlo: O Devel penella: Miro kheer te vell i kheer, kay sharenn man i menshe oun mangenn man an. T'mer kran lestar i kheer, kay i menshe rhorhenna oun randenna.”

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.