Mateo 21:12 - O Debleskro Lab 2024 (Sinte-Manouche)

¹² Oun o Yezous djas an o Debleskro baro kheer, oun tradas lauteren vin, kay kote bikran oun ginan. Oun yob vitsras i lovengre stamya kolendar trouyel, kay kol menshenge love paran. Ninna i stamya kolendar, kay čirkle bikran, vitsras lo trouyel.

O Debleskro Drom 2021 (Sinte)

¹² Un o Jesus djas an o Debleskro baro kheer, un tradas lauteren win, kai kote bikran un ginan. Un job witsras i lowengre stamja kolendar trujel, kai kol menshenge lowe paran. Ninna i stamja kolendar, kai tchirkle bikran, witsras lo trujel.

Mateo 21:12 Iomraidhean Croise

2. Mose 30:13

Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

3. Mose 1:14

Te kamell yek i čirklo o baro Debleske te anell, te vell ko čirklo tseles leske rhačedo, palle anell lo i divyi tauba oder i vavar tauba.

3. Mose 12:6

Pal kal divessa, kay his li pale-čiddo, anell li o rashayeske i bakro, hoy yek bersh hi glan o voudar o Debleskro kherestar. Ninna anell li leske i terni tauba oder i divyi tauba. O bakro vell maredo oun leskro tselo mass vell rhačedo o baro Debleske. Oun i tauba vell maredo, te vell o pale-čiddo koova krik lino.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

3. Mose 14:22

douy divye taube oder douy vavar taube. Koy yek vell maredo, te vell o pale-čiddo koova krik lino, koy vavar, te vell li tseles rhačedo o baro Debleske.

3. Mose 14:30

Pal kova marell o rashay koy yek tauba, hoy ko mensho anas – nay vell i divyi tauba, nay vell i vavar tauba –

3. Mose 15:14

Ap o orhtato dives anell lo douy divye taube oder douy vavar taube pash o rashayeste glan o voudar o plarhteno kherestar, kay o baro Devel djivell.

3. Mose 15:29

Ap o orhtato dives anell li douy divye taube oder douy vavar taube pash o rashayeste glan o voudar o Debleskro plarhteno kherestar.

3. Mose 5:11

Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

3. Mose 5:7

Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.

Markus 11:11

Oun o Yezous djas dren an o foro Yerusalem, an o Debleskro baro kheer. Oun kote dikas lo pes trouyel. An i rati djas lo vin an o gab Betani peskre deesh-te-douy malentsa.

Louka 2:24

Oun o Yosef oun i Maria anan douy parne čirkle glan o Debleste, yaake har kova an i Moseskre lila činlo hi, te vell i djouvel pale erligo.

Johanni 2:13

Glan kol biboldengre bare divessa, kay kharenna Passa, djas o Yezous an o foro Yerusalem.