Mateo 20:21 - O Debleskro Lab 2024 (Sinte-Manouche)

²¹ “Hoy kameh tou?” poučas lo latar. Penas li: “Ap ko dives, kay tou hal o baro ray pral i tsele menshende, mouk mire douy čaven ap tiri rig te beshell: Yek ap tiri čači rig oun ko vavar ap tiri servi rig.”

O Debleskro Drom 2021 (Sinte)

²¹ “Hoi kameh tu?” putchas lo latar. Penas li: “Ap ko diwes, kai tu hal o baro rai pral i tsele menshende, muk mire dui tchawen ap tiri rig te beshell: Jek ap tiri tchatchi rig un ko wawar ap tiri serwi rig.”

Mateo 20:21 Iomraidhean Croise

1. Rajengro liil 2:19

Oun i Batsheba djas pash o baro rayeste Salomo, te rakrell li leha pral kova, hoy o Adoniya lestar kamell. Oun o baro ray, har dikas lo peskri day, stas lo pre glan late, čivas peskro shero tele glan late, oun beshas pes ap peskri rayeskri beshepaskri. Oun lake moukas lo ninna i beshepaskri te vell, te beshell li pes nay ap leskri čači rig.

1. Rajengro liil 3:5

Kote an o foro Gibeon moukas pes o baro Devel o Salomeske an i souni te dikell an i rati. Oun o Devel penas: “Tou nay poučeh man, hoy kameh mandar.”

Ester 5:3

Oun o baro ray poučas: “Hoy hi touke, rani Ester? Oun hoy kameh tou? Oun te kameh o paash lauterestar, hoy man hi, palle vell kova tout dino.”

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Debleskri gili 45:9

Tire ripya soungenn mishto pal myrrhe, Aloe oun Kassia. Bashepangre bashrenn touke an tire rayengre khera, hoy shoukar oun kouč kerdo hi.

Jeremia 45:5

Oun tou kameh touke baro koova? Vals feteder te kamess či! Me moukau bibarht te vell pral i tsele menshende, penell o baro Devel. Tou ačeh djido, kay tou ninna djah, ninna te ačell touke či har tiro djipen.

Mateo 18:1

Ap ko tsiro van leskre mala pash leste oun poučan lestar: “Koon hi o bareder mashkral kolende, kay djan ap o Debleskro drom?”

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Mateo 20:22

Penas o Yezous: “T'mer djinenn gar, hoy mangenna mandar. Nay lenn t'mer kol douka ap t'mende, hoy me hounte lap ap mande?” Penan le: “Ava, ko nay krah mer.”

Mateo 20:32

Oun o Yezous ačas tardo, kharas len pash peste, oun penas: “Hoy kamenn t'mer, te krap t'menge?”

Markus 10:51

Oun o Yezous penas ap leste: “Hoy kameh, te krap touke?” Ko korelo penas ap leste: “Mo ray, te dikap nay pale.”

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Markus 6:22

Koy vas i Herodiakri čay pash lende oun khelas glan lende. Lakro khelepen his shoukar an i yaka o rayestar Herodes oun an i yaka kolendar, kay pash leste beshdo hi oun rhan. Koy penas o Herodes ap koy čate: “Tou nay mangeh mandar, hoy tou kameh. Me dau kova toute!”

Louka 18:41

“Hoy kameh tou, te krap touke?” Penas kova: “Ray, me kamau te dikell.”

Louka 19:11

O Yezous his gar dour o forestar Yerusalem, oun i menshe patsan, kay ko tsiro kanna kay hi, kay o Devel sikrella, te hi lo o ray pral i tseli phoub. Koy penas o Yezous lenge laba, kay i khatedo čačepen dren hi,

Louka 22:24

Oun o Yezouseskre mala čingran pen, koon lendar o bareder hi.

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Bičepangre 1:6

Kolla, kay khetne van, poučan lestar: “Ray, kreh tou an kava tsiro o them Israel pale baro oun zorelo?”

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

Kolossarja 3:1

O Devel kras t'men o Yezous Kristeha i moulendar djido. Doleske čivenn t'maro dji ap kova, hoy hi an o bolepen! Kote hi o Yezous Kristo ap i čači rig o Deblestar beshdo!