Mateo 20:19 - O Debleskro Lab 2024 (Sinte-Manouche)

¹⁹ Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

O Debleskro Drom 2021 (Sinte)

¹⁹ Jon denn les an i wasta kolendar, kai kek bibolde hi. Un kolla praassenn les, denn les dawa i tchupnijah, un denn les ap o trushel, te merell lo. Pal triin diwessa krell o Dewel les pale djido.”

Mateo 20:19 Iomraidhean Croise

Hiob 30:8

Či-molde hi le, kolengre laba kek prindjrell, oun kay van vin tradedo dran o them.

Debleskri gili 35:16

Khetne kol čilačentsa praasan le man oun sikran mange pengre danda.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Mateo 12:40

O Yona ačas triin divessa oun triin rati an o baro mačeskro per. Oun yaake hounte ačell o Mensheskro Čavo triin divessa oun triin rati an i phoub paskedo.

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Mateo 17:23

Oun yon marenn les. Pal triin divessa vell lo o Deblestar djides kerdo.” Oun ko lab doukas len an o dji.

Mateo 27:26

Palle moukas lo o Barabes dran o stilepen vin. Oun o Yezouses moukas lo i čoupniyah dava te dell, oun das les an i lourdengre vasta, te denn le les ap o troushel.

Mateo 27:63

oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Markus 14:65

Koy van morsha oun čoungran leske an o mouy, pandan leske čomone troul leskre yaka, dan les oun penan ap leste: “Pen menge, koon das tout?” Oun i lourde dan les an o mouy.

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Markus 15:15

O Pilato kamas kova te krell, hoy kol boud menshe lestar kaman oun moukas o Barabes dran o stilepen vin. Oun o Yezouses moukas lo i čoupniyah dava te dell, oun das les an i lourdengre vasta, te denn le les ap o troushel.

Louka 18:32

Yon denn les an i vasta kolendar, kay kek bibolde hi. Oun kolla praasenn les, denn les dava oun čoungrenn ap leste.

Louka 23:11

Oun o Herodes oun leskre lourde san pral leste, rivan leske i rayeskri plaashka an, oun moukan les pale pash o Pilateste te anell.

Louka 24:46

oun penas ap lende: “Yaake hi činlo an o Debleskro lab: O Kristo, ko baro ray, kolestar o Devel penas, te vell yob, kova hounte lell douka ap peste, oun pal triin divessa stell lo i moulendar pre.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 21:11

Oun yob vas pash mende, las koy dori, hoy o Paules troul peskro ripen his, oun pandas peskre pire oun vasta, oun penas: “Kova penas mange o Debleskro Dourho: Ko morsh, koneske kay dori hi, koles pandenn i bibolde an o foro Yerusalem, oun denn les an i vasta kolendar, kay kek bibolde hi.”

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.