Mateo 2:22 - O Debleskro Lab 2024 (Sinte-Manouche)

²² Ap o drom shounas lo, te hi o Arkelao kanna o baro ray pral o them Youdea. Kova his o Herodeskro čavo. Doleske trashas o Yosef, te djal lo kote pale. Oun o Devel penas leske an i souni, kay te djal. Oun yob djas an o them Galilea.

O Debleskro Drom 2021 (Sinte)

²² Ap o drom shunas lo, te hi o Archelao kanna o baro rai pral o them Judea. Kowa his o Herodeskro tchawo. Doleske trashas o Josef, te djal lo kote pale. Un o Dewel penas leske an i suni, kai te djal. Un job djas an o them Galilea.

Mateo 2:22 Iomraidhean Croise

Debleskri gili 121:8

O baro Devel rikrell peskre vasta pral toute ap tire tsele dromma, kote kay veh oun kote kay djah kanna oun hako tsiro.

Debleskri gili 48:14

Denn yak ap i pre-čidde barra troul o foro oun i zorele khera an o foro, yaake te nay penenn kova t'mare čavenge.

Debleskri gili 73:24

Tou aneh man ap ko drom, hoy tout mange hi. Oun pal miro djipen ap kay phoub leh tou man pash toute an tiro raylepen.

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Mateo 1:20

Har leske kova an o shero trouyel djas, vas o Debleskro bolepaskro pash leste an i souni, oun penas: “Yosef, tou Davideskro čavo, ma traash, te less i Mariat pash toute, te romedineress lat! O ternepen vas dran o Debleskro Dourho an late.

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem:

Mateo 2:19

An ko tsiro, har o Yosef an o them Egiptia his, meras o Herodes. Koy vas o Debleskro bolepaskro pash leste an i souni,

Mateo 2:21

Oun yob stas pre, las o čaves oun leskri dat, oun djas an o them Israel pale.

Mateo 3:13

Ap ko tsiro vas o Yezous dran o them Galilea pash o pani Yordan, te moukell lo pes o Yohannestar te taufrell.

Louka 2:39

Oun har i Maria oun o Yosef lauter yaake kran, har an o Debleskro lab činlo his, djan le pale an pengro foro Nazaret, hoy an o them Galilea hi.

Johanni 7:52

“Hal tou ninna dran o them Galilea?” poučan le lestar. “Tou te dravereh mishto an o Debleskre lila, palle dikeh, kay kek Debleskro rakepaskro vella dran o them Galilea.”

1. Samuel 16:2

O Samuel penas: “Har nay krau kova? Te shounell o Saul kova, pale moukell yob man te marell.” Koy pre penas o baro Devel: “Le i terni groumni touha, oun pen Me vom te anap kay groumni o baro Debleske!