Mateo 2:2 - O Debleskro Lab 2024 (Sinte-Manouche)

² “Kay hi o ternepen, kay vell o baro ray pral i biboldende? Mer dikam ko bolepaskri momeli ap o bolepen pre te djal, hoy mende sikras, kay yob boldo vas. Kanna vam kate, te mangas les an.”

O Debleskro Drom 2021 (Sinte)

² “Kai hi o ternepen, kai well o baro rai pral i biboldende? Mer dikam ko bolepaskri momeli ap o bolepen pre te djal, hoi mende sikras, kai job boldo was. Kanna wam kate, te mangas les an.”

Mateo 2:2 Iomraidhean Croise

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”

Debleskri gili 45:11

Shoun miri čay! Dik oun shoun mishto: Biste tire menshen oun tiri tseli familya!

Jesaja 60:3

Oun i menshe dran vavar themma venna, te dikenn le, har raylo tou hal. Oun lengre raya venna, te dikenn le ko raylepen, hoy pral toute pre djas.

Jeremia 23:5

Ko dives vella, penell o baro Devel, kay moukau dran o Davideskri familya i morsh bares te vell. Kova hi an o čačepen tardo. Yob vell i lačo baro ray, oun rikrell pes ap o Debleskro čačepen, oun krell hoy mishto oun čačo hi an o them.

Jeremia 30:9

kokres pengro baro Debleske, oun pengro baro rayeske. Kova hi i čavo o Davidestar, koles me i baro rayes krau.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

Mateo 2:3

Har o baro ray Herodes kova shounas, trashas lo. Oun ninna boud menshe an o foro Yerusalem trashan leha khetne.

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

Mateo 27:11

Oun o Yezous his glan o themeskro rayeste, o Pilato tardo. Oun kova poučas lestar: “Hal tou o baro ray pral i biboldende?” Koy penas o Yezous: “Ava, hi yaake, har tou penal.”

Louka 19:38

Oun yon penan: “Sharas ko baro rayes, koles o Devel bičras. O Debleskri barht vell pash mende! Baro hi o Debleskro raylepen an o bolepen!”

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Louka 23:3

Koy poučas o Pilato lestar: “Hal tou o baro ray pral i biboldende?” Penas lo: “Ava, hi yaake har tou penal.”

Louka 23:38

Oun pral leste ap i kasht his činlo: Kova hi i o baro ray pral i biboldende.

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Johanni 12:13

Koy lan le patria, kay phagan le tele, oun djan dran o foro pash leste, oun dan gole: “Sharas o Debles! Sharedo vell kova, koles o Devel bičras, o baro ray pral Israel!”

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 19:19

O Pilato činas ap i kotar kasht: O Yezous dran Nazaret, o baro ray pral i biboldende. Ko kotar kasht vas pral ap o troushel dino.

Johanni 20:28

Koy penas o Thomas ap leste: “Miro ray oun miro Devel!”

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 9:38

“Ray, me patsaua!” das yob gole, oun vitsras pes glan leste tele.

Hebrearja 1:6

O Debleskro čaves hi peskro dadeskro vast. Lestar penas o Devel, har yob les ap i phoub bičras: I tsele Debleskre bolepangre hounte vitsrenn pen glan leste tele, te sharenn le les.

Debleskro tsiro 22:16

Me, o Yezous, bičrom miro bolepaskres pash t'mende, te penell lo kava koova i patslenge. Me hom o Davideskro čavo. Me hom koy rayli bolepaskri momeli, hoy djal pre taysarlake ap o bolepen.”