Mateo 2:10 - O Debleskro Lab 2024 (Sinte-Manouche)

¹⁰ Oun har yon koy bolepaskri momeli koy tardo dikan, van le o tselo djiyestar barhtelo.

O Debleskro Drom 2021 (Sinte)

¹⁰ Un har jon koi bolepaskri momeli koi tardo dikan, wan le o tselo djijestar bachtelo.

Mateo 2:10 Iomraidhean Croise

Debleskri gili 105:3

Sharenn koles, koon kokres o čačo Devel hi! Avenn barhteles pral leste, t'mer, kay rodenn o baro Debles!

Debleskri gili 67:4

Maro Devel, mou parkrenn pen pash toute i menshe dran hake themma, mou sharenn le tout halauter!

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.

Mateo 2:9

Oun har yon kova lestar shounan, djan le doureder. Oun glan lende djas ko bolepaskri momeli, hoy yon an pengro them dikan. Oun kote, kay o ternepen hi, ačas koy bolepaskri momeli pral vergel tardo.

Louka 2:10

Oun o bolepaskro penas ap lende: “Ma darenn! I bari barht vell ap t'mende, oun ap i tsele menshende.

Louka 2:20

Oun i bakrengre djan pale pash pengre bakre. Oun yon sharan o Debles o tselo djiyestar pral kova, hoy yon shounan oun dikan. Lauter kova his yaake, har o bolepaskro lenge penas.

5. Mose 32:13

Yob moukas len o ray te vell pral o pralstouno them. Oun yon nay rhan o djob ap i harhetikri phoub. Gvin moukas lo len te hatsell mank i bare barra, oun djet te lell i roukendar, hoy ap barrengri phoub bares van.