Mateo 19:9 - O Debleskro Lab 2024 (Sinte-Manouche)

⁹ Me penau t'menge: Te hi yekes i romni, kay rhorhras les gar i vavar morsheha, oun yob moukell lat, oun romedinerell i vavar djouvyat, kova anell doosh ap peste, te las lo i vavar romyat.”

O Debleskro Drom 2021 (Sinte)

⁹ Me penau tumenge: Te hi jekes i romni, kai chochras les gar i wawar mursheha, un job mukell lat, un romedinerell i wawar djuwjat, kowa anell doosh ap peste, te las lo i wawar romjat.”

Mateo 19:9 Iomraidhean Croise

1. Mose 20:3

An i rati vas o Devel an i souni pash o Abimelek oun penas ap leste: “Tou hounte meress. Koy djouvel, kay tou lal, hi romedino.”

2. Familjakro liil 21:11

Ninna kras lo moulne platse ap i berge an o them Youda, kay i menshe i moule debla an-mangan. Yaake anas lo i menshen an Youda oun an Yerusalem o baro Debleskro dromestar tele.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Ezekiel 16:15

Oun tou val pre-phourdo dran tiro shoukapen. Oun har i vavar tout yaake sharan, vitsral tout hakeneske ap i meen, kay kote djas, kay tou hals, oun dal tout leske.

Ezekiel 16:29

Koy kral gomme boudeder loubyengro koova, oun loubral trouyel kolentsa dran o them Babilonia, kay i parepangre djivenn. Oun ninna kolendar lal gar doha.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Mateo 19:10

Penan leskre mala ap leste: “Te hi kova yaake, palle hi i morsheske feteder, te romedinerell lo gar.”

Mateo 19:8

Penas lo ap lende: “T'maro dji hi dran bar, kay o Debleskro lab gar dren djal. Doleske činas o Mose, kay nay moukenn t'mer t'mari romyat. Ap ko tsiro, kay o Devel i morshes oun i djouvyat kras, his kova gar yaake.

Mateo 5:32

Me penau t'menge: Kones hi i romni, kay rhorhras les gar i vavar morsheha, oun yob moukell lat, kova krell, te lell li i vavares. Oun yaake anell li doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.

Louka 16:18

Koon peskri romyat moukella, oun romedinerell i vavar djouvyat, kova rhorhell peskri ersti romyat oun anell doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.”

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

1. Korintarja 7:39

I romni hi ap peskro romeste pandlo yaake rah har yob djivella. Te merell o rom, hi li bouder gar pandlo ap leste. Oun yoy nay romedinerell, kones yoy kamella. Ap yek koova hounte rikrell li pes: Yoy hounte lell peske i patslo romes.

1. Korintarja 7:4

Koy romyat hi gar pral peste penepaske. Ko čačepen hi o romes. Vitar gar hi ko romes pral peste penepaske. Ko čačepen hi i romyat.