Mateo 19:8 - O Debleskro Lab 2024 (Sinte-Manouche)

⁸ Penas lo ap lende: “T'maro dji hi dran bar, kay o Debleskro lab gar dren djal. Doleske činas o Mose, kay nay moukenn t'mer t'mari romyat. Ap ko tsiro, kay o Devel i morshes oun i djouvyat kras, his kova gar yaake.

O Debleskro Drom 2021 (Sinte)

⁸ Penas lo ap lende: “Tumaro dji hi dran bar, kai o Debleskro lab gar dren djal. Doleske tchinas o Mose, kai nai mukenn tumer tumari romjat. Ap ko tsiro, kai o Dewel i murshes un i djuwjat kras, his kowa gar jaake.

Mateo 19:8 Iomraidhean Croise

1. Mose 2:24

Doleske moukella i rom peskro dades oun peskri dat oun djala peskri romyah. Oun yon venna yek.

1. Mose 7:7

Oun o Noah djas an o panyeskro kheer. Khetne leha djan leskre čave, leskri romni oun leskre čavengre romya, te tassenn le gar.

Debleskri gili 95:8

Ma pandenn t'mare djia, har t'mare phoure kran ap i platsa Meriba oun Massa an o moulo tato them.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Zakarie 7:12

Lengre djia kran le har bar, te shounenn le gar ap mire laba, hoy sikrenn har te djan le miro drom. Kal laba penan lenge mire rakepangre, kay djivan glan boud bersha. Doleske vas miri bari rholi ap lende.

Mateo 19:7

Penan le ap leste: “Te hi kova yaake, hoske činas o Mose an peskro liil: Te kamell i morsh peskri romyat te moukell, palle hounte dell lo lat i liil, kay činlo hi, kay yob moukas lat?”

Mateo 19:9

Me penau t'menge: Te hi yekes i romni, kay rhorhras les gar i vavar morsheha, oun yob moukell lat, oun romedinerell i vavar djouvyat, kova anell doosh ap peste, te las lo i vavar romyat.”

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Mateo 8:31

Oun kol benga mangan les: “Tou te tradeh men dran kol morshende vin, palle mouk men an kol balende dren te djal!”

Markus 10:5

O Yezous penas ap lende: “T'maro dji hi har bar. Doleske činas o Mose, kay nay moukenn t'mer t'mari romyat.

Markus 16:14

Koy pre, har kol deesh-te-yek pash o rhapen beshdo his, moukas lo pes lendar te dikell oun čingras ap lende, kay hi lengre djia har barra, oun te patsan le gar kolenge, kay les dikan, har yob i moulendar pre stas.

1. Korintarja 7:6

Me penau t'menge kova, te nay krenn kova yaake, oun gar, te hounte krenn les.

1. Samuel 25:43

Glan kova romedineras o David i Ahinoam dran o foro Yesreel. Yaake his les kanna douy romya.