Mateo 19:7 - O Debleskro Lab 2024 (Sinte-Manouche)

⁷ Penan le ap leste: “Te hi kova yaake, hoske činas o Mose an peskro liil: Te kamell i morsh peskri romyat te moukell, palle hounte dell lo lat i liil, kay činlo hi, kay yob moukas lat?”

O Debleskro Drom 2021 (Sinte)

⁷ Penan le ap leste: “Te hi kowa jaake, hoske tchinas o Mose an peskro liil: Te kamell i mursh peskri romjat te mukell, palle hunte dell lo lat i liil, kai tchinlo hi, kai job mukas lat?”

Mateo 19:7 Iomraidhean Croise

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Maleachi 2:16

Kova kay rhoyrell pes pral peskri romni, oun tradell lat krik, krell i baro djoungelo koova, penell o baro Devel, ko ray pral o bolepen oun i phoub. Doleske denn yak an t'mare djia: Ma phagenn ko lab, hoy lake dan, har penan: Me moukau tout gar.

Mateo 1:19

O Yosef his i lačo morsh. Oun yob kamas kek ladj ap late anell. Doleske kamas lo lat čorrhanes te moukell.

Mateo 19:6

Yaake hi le har yek oun bouder gar douy. Oun kova, hoy o Devel khetne anas, kova hounte krell i mensho gar paash!”

Mateo 19:8

Penas lo ap lende: “T'maro dji hi dran bar, kay o Debleskro lab gar dren djal. Doleske činas o Mose, kay nay moukenn t'mer t'mari romyat. Ap ko tsiro, kay o Devel i morshes oun i djouvyat kras, his kova gar yaake.

Mateo 5:31

Glan i rah tsiro vas ap i phourende penlo: Kova, kay peskri romyat moukella, kova dell lat i liil, te nay djal li peske.

Markus 10:4

Penan le: “O Mose penas, te činell o rom i liil, kay činlo hi, kay yob moukas lat. Oun palle nay moukell lo lat.”