Mateo 19:3 - O Debleskro Lab 2024 (Sinte-Manouche)

³ Oun i Farisarya van pash leste, oun kaman les leskre labentsa te taprell. Oun yon poučan lestar: “Nay tradell i morsh peskri romyat pestar, ninna te kras li kek čilačepen?”

O Debleskro Drom 2021 (Sinte)

³ Un i Farisarja wan pash leste, un kaman les leskre labentsa te taprell. Un jon putchan lestar: “Nai tradell i mursh peskri romjat pestar, ninna te kras li kek tchilatchepen?”

Mateo 19:3 Iomraidhean Croise

Mateo 16:1

Oun i Farisarya oun i Sadducarya van pash o Yezouseste. Yon kaman te taprenn le les leskre labentsa oun penan ap leste: “Kre menge i baro koova, hoy sikrell mende, te vell tiri zoor o Deblestar!”

Mateo 22:35

Oun yek lendar, i biboldengro čačepaskro, kamas te taprell lo les an leskre laba oun poučas lestar:

Markus 10:2

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay moukell i morsh peskri romyat pal maro čačepen?”

Markus 12:13

I Farisarya kran pen khetne kolentsa, kay shounenn ap o Herodes, oun bičran morshen pash o Yezouseste, te taprenn le les an peskro rakepen.

Markus 12:15

Yob hayvas, te rakran le douy čipyentsa, oun penas ap lende: “Hoske kamenn t'mer man mire labentsa te taprell? Anenn mange i roupeni bema, te dikap lat!”

Johanni 8:6

Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

1. Korintarja 7:10

Kolenge, kay romedino hi, penell o ray Yezous, gar me, te moukell i romni peskro romes gar. Vitar gar hounte tradell i rom peskri romyat pestar. Te moukas i romni peskro romes, hounte ačell yoy peske kokres. Te kamell li gar kokres te ačell, palle rakrell li pes peskro romeha vin, oun djal pash leste pale.

Hebrearja 3:9

Ninna te dikan le star-deesh bersha, hoy me, o Devel, lenge krom, patsan le man gar, oun mire laba his lenge či moldo.