Mateo 19:29 - O Debleskro Lab 2024 (Sinte-Manouche)

²⁹ Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

O Debleskro Drom 2021 (Sinte)

²⁹ Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Mateo 19:29 Iomraidhean Croise

Sikepaskro 3:6

Yek tsiro hi koy, te rodas čomone, oun yek tsiro, kay rodah bouder gar. Yek tsiro hi koy, kay rikrah čomone, oun yek tsiro, kay vitsrah les krik.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Mateo 13:23

Pale vavar menshe hi har koy lači phoub, kay o djob peras. Kolla shounan oun hayvan ko lab. An lende vell ko patsepen baro. Oun lengro djipen sikrella, te kamenn le o Debles, oun shounenn le ap leste. Pash kolende hi ko lab har o djob, kay baro vella, oun pash yekeste hidjrell lo sheel kope yaake boud. Oun pash i vavareste hidjrell lo shob-deesh kope yaake boud. Oun pale pash i vavareste hidjrell lo triyanda kope yaake boud.

Mateo 13:8

Vavar djob peras ap i lači phoub, oun vas baro, oun hidjras sheel kope yaake boud. Vavar djob hidjras shob-deesh kope yaake boud, oun vavar djob triyanda kope yaake boud.

Mateo 16:25

Koon peskro djipen zoreles kamella, kova nashrell les. Koon peskro djipen mange nashrella, lell les mandar pale.

Mateo 19:16

Oun i morsh vas pash leste oun penas: “Sikepaskro, havo lačo koova hounte krap, te vell man o djipen, hoy gar pre-herella?”

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Mateo 5:11

T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

Louka 5:11

Oun yon anan kol bere ap o them, oun moukan lauter čiddo, oun djan leha.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Johanni 15:19

Te hans t'mer menshe kay phoubyatar, palle kamans le t'men. Yon kamenn kolen, kay hi yaake har yon. T'mer han gar kolendar. Me rodom t'men dran lende vin. Doleske kamenn le t'men gar.

Johanni 4:36

Kanna anenn i boudepangre kolen khetne, kay lenn o djipen, hoy gar pre-herella. Oun lengri boudi vell playsedo. Yaake hi hake douy barhtelo: Kova, kay o tikno djob an i phoub vitsras, oun kova, kay anell o djob dren.

Bičepangre 9:16

Me kamau leste te sikrell, kay hounte lell yob boud douka mange ap peste.”

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

3. Johanni 1:7

Yon kran pen ap o drom, te penenn le i menshenge o Yezous Kristestar. Oun yon lenn či kolendar, kay les gar prindjrenna.