Mateo 19:22 - O Debleskro Lab 2024 (Sinte-Manouche)

²² Ko terno morshes his boud bravlepen. Har yob kal laba shounas, doukas kova les. Oun yob djas peske.

O Debleskro Drom 2021 (Sinte)

²² Ko terno murshes his bud brawlepen. Har job kal laba shunas, dukas kowa les. Un job djas peske.

Mateo 19:22 Iomraidhean Croise

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 14:9

Har o Herodes kova shounas, khaytas les, hoy yob lake penas. Palle dikas lo ap kol tsele menshende, hoy shounan, har yob pes sovel das. Doleske penas lo ap peskre lourdende, te denn le lat, hoy yoy kamas.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Mateo 19:21

Penas o Yezous ap leste: “Te kameh tou o tselo Debleskro kamlepen te krell, palle bike lauter, hoy tout hi! Oun de kol love i čorvelende! Palle hi tout i bravlepen an o bolepen. Oun am oun dja mantsa!”

Mateo 19:23

Oun o Yezous penas ap peskre malende: “Čačepah, me penau t'menge: Pharo hi i braveleske, te vell lo ap o Debleskro drom.

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.

Markus 10:22

Kol morshes his boud bravlepen. Har yob kova shounas, doukras les kova. Oun yob djas bibarhteles peske.

Markus 6:26

Har o Herodes kova shounas, doukas leskro dji. Ninna te khaytas les kova, kamas lo peskro lab te rikrell, hoy yob glan kolende das, kay pash leste troul i rhapaskri beshdo his oun shounan, har yob pes sovel das.

Louka 18:23

Har o pralstouno kova shounas, doukas les kova an o dji. Les hi boud bravlepen.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.