Mateo 18:15 - O Debleskro Lab 2024 (Sinte-Manouche)

¹⁵ Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

O Debleskro Drom 2021 (Sinte)

¹⁵ Te krell tiro phraal tchilatcho koowa ap tute, palle dja pash leste kokres, un pen leske, kai kowa gar mishto hi, hoi job kras. Un te dikell lo, kai kowa tchatcho hi, hoi tu leske penal, palle anal tu tiro phrales pale ap miro drom.

Mateo 18:15 Iomraidhean Croise

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Gosewe laba 11:30

Kova, hoy i lačo oun čačo mensho krell, hi har i rouk, hoy o djipen dell. Ko mensho, kay gosevo hi, tserdell vavar menshen ap peskri rig.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

Mateo 18:14

Oun yaake kamell miro dad an o bolepen gar, te djal yek kol tiknendar nashedo.

Mateo 18:21

Koy djas o Petro pash leste, oun poučas lestar: “Ray, te hi miro phraal boud kope čilačo ap mande, kitse kope hounte bistrap ko čilačo koova, hoy yob ap mande kras? Hi efta kope doha?”

Mateo 18:35

Oun o Yezous penas doureder: Te bistrenn t'mer gar o tselo djiyestar o čilačo koova, hoy i vavar phraal ap t'mende kras, yaake krell miro dad an o bolepen emligo t'mentsa.

Remarja 12:21

Ma mouk o čilačepen o ray pral toute te vell! Mouk o lačepen zorleder te vell har o čilačepen!

1. Korintarja 8:12

Me penau t'menge: T'mer te krenn savo čilačo koova ap t'mare phralende oun krenn, te vell len i djoungelo dji, palle krenn t'mer i čilačo koova ap o Yezous Kristeste.

2. Korintarja 7:12

Čačepah, har činom t'menge ko liil, krom kova gar koleske, kay kras ko čilačo koova. Vitar gar činom ko liil koleske, ap koleste ko vavar o čilačo koova kras. Na-a, me činom ko liil, te sikrenn t'mer o Debleste, kay kamenn t'mer lauter te krell, hoy me t'menge penom.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Kolossarja 3:13

te rhoyrell pes kek sik pral o vavareste. Oun bistrenn ko čilačo koova, hoy i vavar ap t'mende kran! Yaake har o ray, o Yezous Kristo, t'mari doosh bistras, hounte krenn t'mer kova ninna.

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

2. Tessalonikarja 3:15

Ma dikenn ap leste har ap yekeste, kay kras t'menge čilačo koova. Na-a, yob hi t'maro phraal. Penenn leske, hoy yob gar mishto kras, te vell lo pale ap o čačo drom!

Tito 3:10

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

1. Petro 3:1

T'mer djouvya, ma hadenn t'men pral t'mare romende, ninna te shounenn yon gar ap o Debleskro lab! Yaake dikenn yon, har t'mer i djoudjo djipen djivenna, oun ap o Debleste shounenna. Oun t'maro djipen sikrell len o čačo drom pash o Debleste, ninna te krenn t'mer kek bare laba.