Mateo 18:12 - O Debleskro Lab 2024 (Sinte-Manouche)

¹² Kova hi yaake, har te hi i morshes sheel bakre, oun yek lendar djal nashedo. Palle moukell lo kol enya-deesh-te-enya (99) bakre ap i pralstouno them tardo, oun rodell ko yek bakres, hoy nashedo hi.

O Debleskro Drom 2021 (Sinte)

¹² Kowa hi jaake, har te hi i murshes sheel bakre, un jek lendar djal nashedo. Palle mukell lo kol enja-deesh-te-enja (99) bakre ap i pralstuno them tardo, un rodell ko jek bakres, hoi nashedo hi.

Mateo 18:12 Iomraidhean Croise

1. Rajengro liil 21:17

Kote penas o baro Devel ap o Eliya dran Tishbe:

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Ezekiel 34:12

Yaake har i bakrengro, kay pash peskre bakre hi, kolen rodell, kay nashran pen, yaake rodau me mire bakren, oun lau len pale dran haki platsa, kay le tradedo van ap ko djoungelo kalo dives.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:28

Oun i menshe dran vavar themma randenn len bouder gar vin. Oun i divye firhe rhan len bouder gar. Yon nay djivenn kek daryah. Oun kek krell lenge bouder traash.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

Ezekiel 34:6

Yon nashan trouyel ap i tsele tikne oun bare berge, oun hi bouder gar khetne. Kate te kote an o tselo them hi le. Oun kek hi koy, kay pal lende poučell oun len rodell.

Mateo 12:11

Penas lo ap lende: “Te hi yekes t'mendar i bakro, oun kova perell ap o Debleskro dives an i rheb an i phoub, kek t'mendar moukals les kote. Na-a, yob djals kote, taprals les, oun lals les kote vin.

Mateo 18:13

Čačepah, me penau t'menge: Oun te hatsell lo les, palle hi lo barhtleder pral ko yekeste, har pral kol tsele vavar, hoy khetne ačan.

Mateo 21:28

“Kanna kamau t'menge čomone te penell: His i dad. Koles his douy čave. Oun yob djas pash ko phoureder čaveste, oun penas ap leste: Mo čavo, dja ap ko kotar them, kay hi i drakengre rouka tardo, oun boude kote!

Mateo 22:42

“Hoy penenn t'mer pral ko baro rayeste, kolestar o Devel penas, te vell yob? Koneskro čavo hi lo?” Penan le: “O Davideskro čavo.”

1. Korintarja 10:15

Me rakrau t'mentsa har menshentsa, kay goseve hi. Poučenn t'maro dji, te hi kava lauter čačo, hoy me penau!

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.