Mateo 18:10 - O Debleskro Lab 2024 (Sinte-Manouche)

¹⁰ Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

O Debleskro Drom 2021 (Sinte)

¹⁰ Ma tchiwenn kol tiknen ap i rig, har te wans le tchi moldo. Me penau tumenge: I bolepangre, kai ap lende jak denna, kolla nai djana hako tsiro glan miro dadeste an o bolepen, te mangenn le les lenge.

Mateo 18:10 Iomraidhean Croise

2. Samuel 14:28

O Absalom djivas douy bersha an o foro Yerusalem, oun dikas o baro rayes gar.

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Ester 1:14

Mank lende his o Karshena, o Shetar, o Admata, o Tarsis, o Meres, o Marsena, oun o Memukan. Kol efta his i raya pral i themma Persia oun Media. Oun pal o baro rayeste his yon i pralstoune an o tselo them. Ap lende rakras lo, te kamell lo čomone te djinell.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 34:7

Ake hi yek, kay gole das ap o baro Debleste, har leske djoungeles djas, oun yob shounas les oun las les vin dran lauter, hoy leske o djipen phares kras.

Debleskri gili 91:11

Yob kokres penas ap peskre bolepangre, te denn le yak ap toute ap tire tsele dromma,

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Mateo 1:20

Har leske kova an o shero trouyel djas, vas o Debleskro bolepaskro pash leste an i souni, oun penas: “Yosef, tou Davideskro čavo, ma traash, te less i Mariat pash toute, te romedineress lat! O ternepen vas dran o Debleskro Dourho an late.

Mateo 12:20

Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

Mateo 18:14

Oun yaake kamell miro dad an o bolepen gar, te djal yek kol tiknendar nashedo.

Mateo 18:6

Kova, kay anell yekes kal tiknendar, kay patsenn ap mande, miro dromestar tele, koleske vals feteder, te vell leske i pharo bar troul i meen pandlo, oun te vell lo tassedo an o baro pani.

Mateo 2:13

Oun har yon penge djan, vas o Debleskro bolepaskro pash o Yosefeste an i souni, oun penas ap leste: “Ste pre! Le o ternepas oun leskri dat, oun naash an o them Egiptia! O Herodes moukell o ternepas te rodell, te marell lo les. Ač koy, bis te penau me les touke, te vess pale!”

Mateo 2:19

An ko tsiro, har o Yosef an o them Egiptia his, meras o Herodes. Koy vas o Debleskro bolepaskro pash leste an i souni,

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Louka 1:19

O bolepaskro penas ap leste: “Me hom o Gabriel, oun me hom glan o Debleste tardo. O Devel bičras man pash toute, te penap touke kova.

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

Louka 16:22

O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

Bičepangre 10:3

His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”

Bičepangre 12:15

Koy penan yon ap late: “Hal tou dinelo?” Yoy ačas koy pashel, kay kova yaake hi. Koy penan yon: “Kova hi o bolepaskro, kay dell yak ap leste.”

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Bičepangre 5:19

An i rati vas i bolepaskro o Deblestar oun kras kol voudya an o stilepen pre, oun anas len vin, oun penas ap lende:

Remarja 14:10

Kek t'mendar hounte penell pral i vavar patsleste: “Kova djal gar mishto ap o Debleskro drom.” Kek t'mendar hounte dikell tele ap i vavar patsleste. Ko dives vella, kay rakrell o Devel pral hakeneste mendar o čačepen vin.

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.

Remarja 15:1

Mer, kay ham zorelo an o patsepen, hounte dikas ap kolende, kay hi gar zorelo an o patsepen, te hidjras mer lentsa, hoy lenge pharo hi. Mer hounte dikas gar ap mende kokres, te djal menge mishto.

1. Korintarja 11:22

Nay rhan oun piyenn t'mer gar khere? Hi kol patsle, kay o Debleske khetne venna, či moldo an t'mare yaka? Kamenn t'mer ladj ap kolende te anell, kolen či hi? Hoy penap me t'menge? Sharap me t'men? Na-a! Doleske sharau me t'men gar.

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 10:10

Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

Debleskro tsiro 8:2

Oun me dikom kol efta bolepangren, kay glan o Debleskro beshepaskro tardo hi. Kolla lan efta phourdepangren.