Mateo 17:27 - O Debleskro Lab 2024 (Sinte-Manouche)

²⁷ Ninna te hi kova yaake, kamah gar, te venn le rhoyedo ap mende. Doleske dja pash o baro pani, oun vitse i raan an o pani! Ko mačo, hoy tou tapreh, koleske kre o mouy pre! Oun tou hatseh an leskro mouy i roupeni bema. Le koy roupeni bema, oun de koy bema kolende, kay len kol love dren! Kova hi doha mange oun touke.”

O Debleskro Drom 2021 (Sinte)

²⁷ Ninna te hi kowa jaake, kamah gar, te wenn le chojedo ap mende. Doleske dja pash o baro pani, un witse i raan an o pani! Ko matcho, hoi tu tapreh, koleske kre o mui pre! Un tu hatseh an leskro mui i rupeni bema. Le koi rupeni bema, un de koi bema kolende, kai len kol lowe dren! Kowa hi doha mange un tuke.”

Mateo 17:27 Iomraidhean Croise

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Rajengro liil 17:4

Oun yaake nay piyeh dran o pani. Oun ap i korake penom, te anenn le touke rhapen.”

Debleskri gili 8:8

Bakre, bouzya oun groumya, oun i divye firhe ninna,

Jona 2:10

Me kamau man pash toute te parkrell, oun anau touke firhen. Hoy man sovel dom, ko kamau te rikrell. Tou baro Devel, tserdal man vin dran o merepen!

Mateo 17:26

Penas o Petro: “I vi-themarya hounte denn kol love ap i bare rayende.” “Mishto,” penas o Yezous, “yaake hounte playsrenna lengre menshe či ap lende.

Mateo 18:6

Kova, kay anell yekes kal tiknendar, kay patsenn ap mande, miro dromestar tele, koleske vals feteder, te vell leske i pharo bar troul i meen pandlo, oun te vell lo tassedo an o baro pani.

Mateo 18:8

Te kamell tiro vast, te kress i čilačo koova, de les tele oun vitse les toutar! Te kamell tout tiro piro ap o čilačo drom te anell, de les tele, oun vitse les toutar! Hi touke lačeder, te nashreh tou yek vast oun yek piro, oun leh ko djipen, hoy o Devel tout della, har te djas tou douy vastentsa oun douy pirentsa an i yag, hoy hako tsireske rhačella.

Mateo 5:29

Te kamell tiro yak čomone te dikell, hoy anell tout ap i čilačo drom, palle čin les vin, oun vitse les toutar! Hi touke feteder, te nashress yek yak, har te vess an o bengeskri yag vitsedo.

Mateo 5:30

Oun te kamell tiro čačo vast, te kress i čilačo koova, palle de les tele, oun vitse les toutar! Hi touke feteder, te nashress tou yek vast, har te djas an o bengeskri yag.

Markus 9:42

Kova, kay anell yekes kal tiknendar, kay patsenn ap mande, miro dromestar tele, koleske vals feteder, te vell leske i baro bar troul i meen pandlo, oun te vell lo vitsedo an o baro pani.

Markus 9:43

Te kamell tiro vast, te kress o čilačo koova, de les tele! Hi touke feteder, te nashress tou yek vast, oun djiveh hako tsiro pash o Debleste, har te djas tou douy vastentsa an o bengeskri yag, hoy hako tsireske rhačella.

Louka 17:2

Koleske vals feteder, te vell leske i pharo bar troul i meen pandlo, oun te vell lo an o baro pani vitsedo, te nay anell lo bouder gar yekes kal tiknendar ap o čilačo drom.

Johanni 6:61

Har o Yezous lendar hayvas, kay yon pen pral leste rhoyrenna, penas lo ap lende: “Rhoyrell t'men kova?

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.

1. Korintarja 8:13

Doleske, te dikell miro phraal, kay rhau ko mass, oun doleske vell lo o Debleskro dromestar tele, palle kamoms me miro tselo djipen bouder kek mass te rhal.

1. Korintarja 8:9

Kova hi t'maro koova, hoy t'mer krenna. Ninna te hi kova yaake, denn yak ap kolende, kay gomme gar zoreles an o patsepen hi, te perenn yon gar o Debleskro dromestar tele!

2. Korintarja 6:3

Kova hi ap miro dji, te djivas yaake, te hatsell kek i doosh ap mende, te rakrell nay kek djoungeles pral mari boudi.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

1. Tessalonikarja 5:22

Rikrenn t'men pale dran hako čilačo koova!

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.