Mateo 17:17 - O Debleskro Lab 2024 (Sinte-Manouche)

¹⁷ Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

O Debleskro Drom 2021 (Sinte)

¹⁷ Koi penas o Jesus: “Tumer tchilatche menshe, tumen hi kek patsepen! Har rah hunte atchap pash tumende? Har rah marap man tumentsa tele? Anenn les pash mande!”

Mateo 17:17 Iomraidhean Croise

Debleskri gili 95:10

Star-deesh bersha vas mange djoungeles, te dikom ap kol menshende, oun penom: “Kalla hi menshe, kay peran ap pengre sherya oun djinenn gar, hoy čačo hi. Ap miro drom kamenn le gar te djal.”

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 16:28

Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom?

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Gosewe laba 6:9

Tou či-moldo, kay kameh gar te boudrell, har rah kameh gomme čiddo te ačell? Kaana kameh tou pre te stell?

Jesaja 19:14

O baro Devel kras, te venn le har mato oun rakrenn savo koova, te djinenn i Egiptarya bouder gar, hoy te krenn. Yaake perenn le yek rigyatar ap i vavar har i mato, kay perell an peskro čadepen.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:27

“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran.

Mateo 13:58

Oun yon patsan gar ap leste. Doleske kras yob gar boud baro koova an o Debleskri zoor.

Mateo 16:8

O Yezous hayvas, hoy yon penan, oun yob penas ap lende: “Hoske rakrenn t'mer pral o maro, hoy t'mer bistran? Havo tikno patsepen hi t'men!

Mateo 17:16

Me anom les pash tire malende, te krenn le les sasto. Oun yon nashte kran kova gar.”

Mateo 17:18

Oun o Yezous das o benges trad, oun penas leske, te djal yob dran koleste vin. Oun o beng djas dran leste vin. Oun ko čavo vas sasto.

Mateo 6:30

O Devel kras o zenlepen yaake shoukar, hoy kava dives vin tardo hi, oun o vavar dives an o bob vitsedo vella. Kitse kope boudeder nay dell lo t'men an-ripaske! Hoske hi t'maro patsepen yaake tikno?

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Markus 16:14

Koy pre, har kol deesh-te-yek pash o rhapen beshdo his, moukas lo pes lendar te dikell oun čingras ap lende, kay hi lengre djia har barra, oun te patsan le gar kolenge, kay les dikan, har yob i moulendar pre stas.

Markus 9:19

Koy penas o Yezous ap lende: “Have menshe han t'mer, kay hi t'men kek patsepen! Har rah hounte ačap pash t'mende? Har rah rikrap me pash t'mende vin? Anenn les kate pash mande!”

Louka 24:25

Koy penas o Yezous ap lende: “T'mer hayvan či. An t'maro dji djal či dren. Hoske patsenn t'mer kova gar, hoy o Debleskre rakepangre glan i rah tsiro penan?

Louka 9:41

Koy penas o Yezous: “T'mer čilače menshe. T'men hi kek patsepen. Har rah tsiro hounte ačap pash t'mende, te marap man tele t'mentsa? An tiro čaves pash mande!”

Johanni 20:27

Pal kova penas yob ap o Thomas: “Čip tiro goushto ap mire vasta, oun čip tiro vast an miri rig. Ač gar har yek, kay patsell gar. Pats kanna!”

Bičepangre 13:18

Star-deesh bersha rikras len o Devel an o moulo them ap o djipen.

Bičepangre 2:40

Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”

2. Korintarja 11:1

Moukenn man yek kopo yaake te rakrap, har te voms dinelo! Shounenn, hoy kamau t'menge te penell!

5. Mose 32:5

T'mer moukan leskro drom, oun han bouder gar moldo te kharenn leskre čave. Pherdo čilačepen oun rhorhepen han t'mer.