Mateo 16:3 - O Debleskro Lab 2024 (Sinte-Manouche)

³ Oun te hi o bolepen taysarlake lolo, penenn t'mer: Vella brishin! Yaake dikenn t'mer ap o bolepen, oun djinenn, hoy vella. Kova, hoy kanna mashkral t'mende djala, kova hayvenn t'mer gar.

O Debleskro Drom 2021 (Sinte)

³ Un te hi o bolepen taissarlake lolo, penenn tumer: Wella brishin! Jaake dikenn tumer ap o bolepen, un djinenn, hoi wella. Kowa, hoi kanna mashkral tumende djala, kowa haiwenn tumer gar.

Mateo 16:3 Iomraidhean Croise

1. Familjakro liil 12:32

Dran o paash kheer Manasse: 18.000 morsha, kolla van o labeha vin rodedo, te djan le koy, te krenn le o Davides o baro ray.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 15:7

T'mer rakrenn douy čipyentsa. O Debleskro rakepaskro Yesaya penas o čačepen pral t'mende, har yob penas:

Mateo 22:18

O Yezous hayvas lengro čilačepen oun penas ap lende: “T'mer rakrenn douy čipyentsa. Hoske kamenn t'mer man an mire laba te taprell?

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 7:5

Tou rhorheno! Tou kreh, har te vals tou lačeder har yob. Le ko baro kasht dran tiro yak vin, palle nay leh tou o tikno kasht dran tiro phraleskro yak vin!

Louka 11:44

T'mer Farisarya, hoy t'mer krenna, ko hi gar mishto. T'mer han har i handako, hoy tele an i phoub hi. Oun i menshe djan pral vergel, oun djinenn gar, kay i moule koy paskedo hi.”

Louka 12:56

T'men hi douy djia! T'mer dikenn ap i phoub oun ap o bolepen oun djinenn, hoy vella. Hoske nay hayvenn gar, hoy an kava tsiro glan t'mare yaka lauter djala?

Louka 13:15

Penas o Yezous ap koleste: “T'men hi douy djia! T'mer krenn har te krans kek boudi ap o Debleskro dives. Hakeno t'mendar pandell peskri groumni oun peskri esla tele, oun anell len pash o pani ap o Debleskro dives.

Hebrearja 5:14

O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.