Mateo 16:27 - O Debleskro Lab 2024 (Sinte-Manouche)

²⁷ Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

O Debleskro Drom 2021 (Sinte)

²⁷ Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 16:27 Iomraidhean Croise

Hiob 34:11

Yob dell o menshes ap o shero pale, hoy yob kras, oun yaake, har djivas lo, vell kova ap leste.

Debleskri gili 62:12

Boudeder har yek kopo shounom: O Devel kokres hi zorelo,

Gosewe laba 24:12

Te peneh tou: Mer djinam kova gar! Palle djiness: Kova, kay an i djia dikell, hayvell les. Oun kova, kay ap tiro djipen yak dell, kova djinell les. Oun yob dell o menshes kova pale, hoy lo kras.

Sikepaskro 3:17

Kote penom mange: O Devel rakrell o čačepen vin pral koleste, kay djivell an o čačepen, oun pral koleste, kay djivell an o čilačepen. Hako koova, oun halauter, hoy yek krell, koleske dell i čačo tsiro.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Ezekiel 18:20

Kokres kova, kay doosh ap peste anell, hounte merell. I čavo hounte hidjrell gar i doosh peskro dadestar. Vitar gar hounte hidjrell o dad koy doosh, hoy o čavo ap peste anas. Kova, kay o čačepen kras, ap leste vell leskro čačepen pale. Oun kova, kay doosh ap peste anas, ap leste vell leskri doosh pale.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Zakarie 14:5

Koy tala djal yaake dour har Azel. An koy tala mank o baro Debleskre berge nashenn t'mer t'menge yaake, har t'mare phoure nashan penge, har i berge trissan an ko tsiro, kay o Usiya o baro ray pral o them Youda his. Oun palle vell miro baro Devel. Oun leskre tsele bolepangre venn khetne leha.

Mateo 13:41

O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

Mateo 13:49

Yaake djal kova ninna ap ko tsiro, kay o Debleskri harmenatsyona vella. I bolepangre venna, oun lenn kol čilačen mashkral i lačendar vin.

Mateo 24:30

Palle dikenn le o Menshengro Čaves, har yob dran o bolepen vella. An hake themma dikenn le les, har yob vella ap i volke bari zoryah oun raylepen. Oun yon rovenna oun penenna: Patsams mer ap leste!

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 26:64

Penas o Yezous: “Ava, hi yaake, har tou penal. Oun kanna penau t'menge: Ko tsiro vell sik, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo ap i volke dran o bolepen.”

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Markus 14:62

“Me hom kova,” penas o Yezous, “oun ko dives vella, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo an i volke dran o bolepen.”

Markus 8:38

I menshe an kava tsiro hi čilačo oun moukan o Debles. Kova, kay ladjell pes mange oun mire labenge glan kolende, koleske ladjau me ninna, te vau me, o Mensheskro Čavo, pale ap i phoub. Ap ko dives hi man o raylepen, hoy das man miro dad an o bolepen. Oun mantsa venna o Debleskre bolepangre.

Louka 21:27

Oun palle dikenn i tsele menshe o Menshengro Čaves, har vell lo ap i folka bari zoryah oun raylepen.

Louka 22:69

Ko tsiro vell sik, kay me, o Mensheskro Čavo, hom beshdo ap i čači rig o zorelo Deblestar.”

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Johanni 21:22

Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

Johanni 21:23

Yaake vas mashkral kol patslende penlo: Kova merella gar. O Yezous penas gar, kay kova gar merella. Yob penas: “Te kamau me, te ačell yob djido, bis te vau pale, palle hi kova gar tiro koova!”

Bičepangre 1:11

Kolla penan: “Morshale dran o them Galilea, hoske han t'mer koy tardo, oun dikenn an o bolepen? Kava Yezous, kay djas t'mendar krik an o bolepen, kova vell yaake dran o bolepen pale, har dikan t'mer les an o bolepen te djal.”

Remarja 14:12

Ap ko dives vell hakeno mendar glan o Debleste oun hounte penell leske, hoy yob kras oun hoske yob kova kras.

Remarja 2:6

Ap ko dives dell lo hakenes pal kova, hoy yob kras.

1. Korintarja 15:23

Hakeno ap peskro tsiro: O Yezous Kristo hi o glanstouno. Te vell lo pale, stenn kolla pre, kay ap leste patsan.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

1. Korintarja 8:8

Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

Efesarja 6:8

Shounenn: Koon lačo koova krella, koleste dell o Devel lačo koova pale. O Devel dikell gar koy pre, hoy ko mensho hi: te hi lo i boudepaskro, te hi lo i ray.

Kolossarja 3:25

Koon o čilačepen krella, kova lell i phagi. Pash o Debleste hi hakeno yaake boud moldo har o vavar.

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

1. Tessalonikarja 4:16

Ap ko dives, kay vell maro ray Yezous tele dran o bolepen, shounah, har yek gole della. O Debleskro pralstouno bolepaskro dell bari gole, oun yek phourdell an o Debleskri bashepaskri. Palle stenn kol moule pre, kay patsan ap o Yezous Kristeste.

Jakobo 5:7

Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.