Mateo 16:19 - O Debleskro Lab 2024 (Sinte-Manouche)

¹⁹ Me dau tout i klidepaskro, hoy krell o voudar pre, te venn i menshe ap miro drom. Ap koleste, kay tou peneh: O Devel las tiri doosh toutar, kolestar hi li krik lino. Ap koleste, kay tou peneh: Tiri doosh ačell ap toute, ap koleste ačell leskri doosh čiddo.”

O Debleskro Drom 2021 (Sinte)

¹⁹ Me dau tut i klidepaskro, hoi krell o wudar pre, te wenn i menshe ap miro drom. Ap koleste, kai tu peneh: O Dewel las tiri doosh tutar, kolestar hi li krik lino. Ap koleste, kai tu peneh: Tiri doosh atchell ap tute, ap koleste atchell leskri doosh tchiddo.”

Mateo 16:19 Iomraidhean Croise

Jesaja 22:22

Oun me dau les o klido o voudareske an o Davideskro kheer. Hoy krell yob pre, nay pandell kek tele. Hoy pandell yob tele, nay krell kek pre.

Mateo 18:18

Čačepah, me penau t'menge: Ap koleste, kay t'mer penenna: O Devel las tiri doosh toutar, kolestar hi li krik lino. Ap koleste, kay t'mer penenna: Tiri doosh ačell ap toute, ap koleste ačell leskri doosh čiddo.

Johanni 20:23

Ap koneste t'mer penenna: Tiri doosh hi krik lino, koleske vell li krik lino. Oun ap koneste t'mer penenna: Tiri doosh ačell ap toute, ap koleste ačell li.”

Bičepangre 15:7

Har yon pen i rah tsiro čingran, stas o Petro pre, oun penas: “Mire phrala, t'mer djinenna, kay o Devel rodas man glan rah tsiro vin, oun kamas, te penap me o lačo lab o Yezous Kristestar kolenge, kay kek bibolde hi. Oun kolla shounan oun patsan.

2. Korintarja 2:10

Te bistrenn t'mer o čilačepen, hoy o vavar ap t'mende kras, palle bistrau me kova ninna. Ava, te dals čomone, hoy hounte bistroms me, palle bistrom me kova t'menge. Kova djinell o Yezous Kristo.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 11:6

Len hi i zoor, te rikrenn le o brishin pale, yaake te dell kek brishin ap ko tsiro, kay yon o Debleskro lab penenna. Oun len hi i zoor pral o pani, te nay krenn le dran kol tsele panya rat. Ninna hi len i zoor, te nay anenn le haki bibarht pral i phoub, yaake boud kope, har yon kamenna.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

Debleskro tsiro 9:1

Oun o pančto bolepaskro phourdas an peskri phourdepaskri. Oun me dikom i bolepaskri momeli, hoy tele ap i phoub peras. Oun koya kras o telstunepen pre.