Mateo 16:18 - O Debleskro Lab 2024 (Sinte-Manouche)

¹⁸ Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

O Debleskro Drom 2021 (Sinte)

¹⁸ Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Mateo 16:18 Iomraidhean Croise

2. Samuel 18:4

O baro ray penas ap lende: “Mishto, me krau, hoy an t'mare yaka čačo hi.” Oun o baro ray djas pash ko baro voudar, oun kol tsele lourde djan vin glan leste vergel, hake kopo sheel lourde khetne. Pal yek zero vas i vavar zero, oun yaake doureder.

Hiob 38:17

Hals tou tardo pash i voudya an o moulengro them? Oun dikal tou i voudya glan koy platsa, kay hi baro kalepen.

Debleskri gili 107:18

te nay rhan le bouder či, oun his boudeder moulo har djido.

Debleskri gili 127:5

Barhtelo hi kova, koles boud kolendar pash peste hi. Te vell i doosh ap leste anlo, venn le leske ap i rig, te lell lo peskro čačepen.

Debleskri gili 129:2

boud kope kran le mange o djipen phares. Moulo nay dan le man gar.

Debleskri gili 69:12

Har rivom i gono an, te sikrap har pharo miro dji hi, kran le i sapaskri gili pral mande.

Debleskri gili 9:13

Kova, kay bistrell gar te dell lo kolen i phagi, kay lan i rateskri doosh ap pende. Yob shounell i gole oun o mangepen kolendar, kay čorvelo oun palla lino hi.

Gosewe laba 24:7

I dinelo hayvell gar goseve laba. Kote, kay i čačepangre khetne venna, nay krell lo peskro mouy gar pre.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jesaja 28:6

Oun i čačepangre rayende dell lo o čačepen an o dji, te nay rakrenn le čačepah o čačepen vin. Oun kol kourepangren dell lo i zoor, te nay tradenn le i lourden dran vavar themma pale dran o foro vin.

Jesaja 38:10

Me penom mange: Mashkral an miro djipen hounte merap oun pash i moulende hounte djap. I bersha, hoy mange hounte vans, van mange randedo!

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jona 2:6

O pani djas mange bis ap i meen. O telstunepen his troul mande, oun o panyeskro khass pandas pes troul miro shero.

Mateo 10:2

Kolla hi i laba kol deesh-te-douyendar, kolen o Yezous pash i menshende bičras: O glanstouno his o Simon, kay kharas ninna Petro, oun leskro phraal Andreas, oun o Yakobo oun leskro phraal Yohanni, – kolengro dad his o Zebedeo,

Mateo 11:23

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer djan an o moulengro them tele. O baro koova, hoy krom an o Debleskri zoor pash t'mende, te kroms kova an o foro Sodom, palle vals ko foro gomme kava dives.

Mateo 18:17

Te shounell lo kava kopo vitar gar ap t'mende, palle pen les i patslenge an i kangri. Oun te shounell lo gar ap kolende, palle vell lo t'menge har i morsh, kay prindjrell o Debles gar oun har i pale-čiddo.

Mateo 4:18

Oun har yob pash o baro pani an o them Galilea djas, dikas lo kote douy phralen: O Simon, kay kharella ninna Petro, oun leskro phrales, o Andreas. Kolla his mačepangre, oun vitsran pengre mačengre gone an o pani, te taprenn le mačen.

Mateo 7:24

Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 8:1

His mishto an o Sauleskre yaka, te maran le les. Pal ko dives lan le i patslen zoreles palla an o foro Yerusalem. Oun i patsle nashan an o them Youdea oun an o them Samaria. I Yezouseskre bičepangre ačan an o foro Yerusalem.

1. Korintarja 15:55

Merepen, tiri zoor hi krik! Merepen, tou doukreh kekes bouder!

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Efesarja 3:10

Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras.

Efesarja 5:32

Kava lab sikrell men i baro čačepen. Me rakrau o Yezous Kristestar oun kolendar, kay ap leste patsenna.

Kolossarja 1:18

Yob hi o pralstouno pral i tsele patslende. Har o Devel les i moulendar djido kras, das lo les o nevo djipen glan hako vavareste, koles o Devel neves krella. Yaake kras o Devel, kay hi o Yezous Kristo o pralstouno pral halauter, hoy koy hi.

1. Timoteo 3:5

Hi kava morsh kek lačo ray pral peskro kheer, nay vell lo vitar gar i lačo ray pral i patslende, kay venn khetne an o Debleskro lab.

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 21:14

Oun koy massouri hi tardo ap deesh-te-douy zorele barra. Ap kolende hi i laba činlo kol deesh-te-douyendar, kay his o terno bakreskre bičepangre.