Mateo 15:33 - O Debleskro Lab 2024 (Sinte-Manouche)

³³ Oun leskre mala poučan lestar: “Kay las mer doha maro an kava moulo them kal boud menshenge, te venn le čalo?”

O Debleskro Drom 2021 (Sinte)

³³ Un leskre mala putchan lestar: “Kai las mer doha maro an kau mulo them kal bud menshenge, te wenn le tchalo?”

Mateo 15:33 Iomraidhean Croise

Mateo 14:15

Har o kham tele djas, van leskre mala pash leste, oun penan ap leste: “Kate, kay mer ham, della či te rhal, oun i rati vella. Biče kal menshen toutar, te djan le an i gaba, te ginenn le penge čomone te rhal!”

Mateo 15:32

Oun o Yezous das peskre malen pash peste gole, oun penas ap lende: “Man khaytenn kal menshe. Yon hi kanna triin divessa pash mande, oun len hi či te rhal. Len hi bouder kek zoor. Dran kova kamau len gar khere te bičrell, te perenn le gar ap o drom khetne.”

Mateo 15:34

Penas o Yezous: “Kitse mare hi t'men?” Penan le: “Efta mare, oun gar boud tikne mače.”

Markus 6:37

Koy penas lo ap lende: “Denn t'mer len te rhal!” Penan le: “Kameh, te las douy-sheel roupene beme, te ginas maro oun das len te rhal?”

Louka 9:13

O Yezous penas ap lende: “Denn t'mer len čomone te rhal!” Penan le leske: “Men hi gar boudeder har panč mare oun douy mače. Kameh tou, te ginas kolenge lauterenge te rhal?”