Mateo 15:32 - O Debleskro Lab 2024 (Sinte-Manouche)

³² Oun o Yezous das peskre malen pash peste gole, oun penas ap lende: “Man khaytenn kal menshe. Yon hi kanna triin divessa pash mande, oun len hi či te rhal. Len hi bouder kek zoor. Dran kova kamau len gar khere te bičrell, te perenn le gar ap o drom khetne.”

O Debleskro Drom 2021 (Sinte)

³² Un o Jesus das peskre malen pash peste gole, un penas ap lende: “Man khaitenn kal menshe. Jon hi kanna triin diwessa pash mande, un len hi tchi te chal. Len hi buder kek soor. Dran kowa kamau len gar khere te bitchrell, te perenn le gar ap o drom khetne.”

Mateo 15:32 Iomraidhean Croise

2. Rajengro liil 4:42

Koy vas i morsh dran o them Baal-Shalisha oun anas ko Debleskro morsheske maro dran nevo djob: biish mare, oun ninna nevo djob an i gono. Oun o Elisa penas ap peskro boudepaskro: “De kova i menshende rhapaske!”

Mateo 12:40

O Yona ačas triin divessa oun triin rati an o baro mačeskro per. Oun yaake hounte ačell o Mensheskro Čavo triin divessa oun triin rati an i phoub paskedo.

Mateo 14:13

Oun har o Yezous kova shounas, djas lo an i bero, oun ouleras kote, kay hi lo kokres. Boud menshe shounan, kay yob djas peske. Oun yon van dran i forya, te djan le ap o them pash leste.

Mateo 15:33

Oun leskre mala poučan lestar: “Kay las mer doha maro an kava moulo them kal boud menshenge, te venn le čalo?”

Mateo 20:34

Oun o Yezouseske djas kova phares an o dji. Oun yob čivas peskre vasta ap lengre yaka. Oun ap yek kopo dikan le pale. Oun yon djan leha.

Mateo 27:63

oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Mateo 9:36

Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

Markus 9:22

Boud kope vitsras lo les an i yag oun an o pani, te marell lo les. Tou te hayveh čomone, palle ab menge lačes oun kre les sasto!”

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Bičepangre 27:33

Oun har bouder gar yaake tamlo his, penas o Paulo ap lauterende, te rhan yon čomone: “T'mer maran t'men deesh-te-star divessa tele,” penas yob, “oun an ko tselo tsiro rhan t'mer či.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.